معرفة فصيلة دمك هو شيء مهم جدًا لأنه بيساعدك تفهم وتحدد الحاجات اللي بتأثر عليك وبتأثر عليك إزاي. الالتزام بنظام غذائي مناسب لفصيلة دمك عمره ما كان شيء ضروري في الماضي، بس بسبب نوع الحياة اللي احنا عايشينها دلوقتي، اختيارك إنك تكون واعي بالأكل اللي بتاكله وبتأثيره عليك ممكن يزود سنين على عمرك ويساعدك تتجنب أمراض خطيرة وإعياءات غير ضرورية.
كل فصيلة من فصائل الدم عندها مميزات وعيوب. فصيلة “O” هي الأنقى وبالذات “O-” اللي بيقدروا يتبرعوا بدم لجميع الفئات الأخرى. أصحاب فئة ال”O-” هما أصحاب أفضل الفصائل الدموية أو زي ما بيقولوا عليهم في أوروبا “أصحاب الدم الملكي”. وبسبب نقاء فصيلة الدم عند الناس دول، بيكونوا أكتر الأشخاص الحساسين لظروف البيئة وعرضة للأمراض والمخاطر البيئية، وبالتالي فبتزيد أهمية التزامهم بحميات غذائية واعية تخليهم أقوى وتحميهم من البكتيريا المختلفة والضعف والتهابات المفاصل. عادةً أصحاب فصيلة الدم دي بتكون عيونهم لونها فاتح نسبيًا وشعرهم كمان بيكون درجة أفتح في اللون.
فصيلة “A” و”B” معروف عنهم إنهم بيكونوا عرضة أكبر للإصابة بمرض السكر، وكمان بيكون عندهم نسبة أعلى للإصابة بالسرطان ونسب شفاء أقل من فصيلة “O”. علامات السالب والموجب في فصيلة دمك مهمة جدًا لأنها بتحدد إذا كان عندك “RhD Antigen factor” وهو نوع من أنواع البروتين اللي بيكون موجود في الدم. لو فصيلة دمك بالموجب فانت عندك البروتين دا وبالتالي فانت إلى حدٍ ما جسمك عنده قدرة أكبر على التحمل، أضخم وكمان شعرك بيكون كثيف نسبيًا. انت كمان غالبٍا بيكون بنيان جسمك أقوى، وبتكون درجة بشرتك أغمق وغالبًا بتكون أصولك مهجنة من أكتر من عرق.
وعلى الهامش، هتلر كان متحيز للجنس أو العرق الآري، كان بيلقبهم بالعرق السامي؛ بسبب وجود نسبة كبيرة من أصحاب الدم النقي ضمن أبناء الجنس دا، كان مقتنع إن أصحاب الدم الملكي لازم يحكموا العالم ويتكاثروا ويتخلصوا من كل اللي عندهم “Rh factor” في دمهم. والجدير بالذكر إن 16% بس من سكان العالم هما اللي بيتمتعوا بفصيلة دم “O-“، بمعنى آخر هتلر كان عايز يتخلص من 84% من سكان العالم!
المهم، أنا لقيت جدول ممكن يساعد كل حد فينا يحدد الأكلات اللي محتاجها جسمه والأكلات اللي هتضر بيه وفقًا لفصيلة دم كل واحد.
حاول ترجع باستمرار للجدول دا واكتب الحاجات المهمة اللي فيه اللي مكنتش تعرفها عن فصيلة دمك، جايز تقدر تكسب لنفسك 10 سنين زيادة على حياتك!