من إيران لأمريكا، شوف الوطن العربي إزاي بيساعد في أزمة فيروس الكورونا

مفيش وقت أكتر من ده هتلاقي نفسك فخور بكونك عربي، بالذات وكل دول الوطن العربي بتتسابق في العطاء لباقي دول العالم في ظل الأزمة اللي بنمر بيها بسبب وباء “كوفيد-19”. مصر والإمارات العربية المتحدة المملكة العربية السعودية والكويت في عناوين الأخبار كل يوم وهما بيتبرعوا بمساعدات لدول تانية تأثرت بالوباء.

مصر بعتت مساعدات للولايات المتحدة الأمريكية وإيطاليا، دولتين عندهم أكبر نسب اصابات ووفيات في العالم كله. أما في الخليج العربي، كله قرر يتغاضى عن الاختلافات في ظل الأزمة العالمية، ودول زي الكويت و الإمارات قدموا مساعدات قيمتها ملايين الدولارات لدولة إيران.

الإمارات العربية بالذات من زمان ومعروف عنها إنها دولة رائدة في تقديم المساعدات الإنسانية، ومن ساعت ما الوباء ده بدأ يشل حركة العالم كله، طيارات من دولة الإمارات أقلعت بحوالي 260 طن من المساعدات الطبية والغذائية عشان تساعد 24 دولة تانية في أشد الحاجة للعون في الوقت ده.

مش بس كدا، الإمارات بعتت 20 طن مساعدات لدولة الصين وسفرت 215 مواطن عربي لبلادهم بعد ما كانوا محبوسين هناك. وفي بريطانيا ساعدوا في إعداد مستشفى فيها 4000 سرير، وأما في باكستان، فالإمارات بعتت مساعدات طبية بملايين الدولارات.

القيادة الإماراتية بعتت 13 ألف طن مساعدات طبية عشان يساعدوا ألاف من الأطقم الطبية في دول زي كازاخستان وكرواتيا وإيطاليا وأوكرانيا واليونان ودول تانية كتير.

المملكة العربية السعودية هي كمان تبرعت بمئات ملايين الدولارات لتقديم المساعدة للأمم المتحدة ومنظمة الصحة العالمية وعدد كبير من الدول في المنقطة العربية وبراها.

أخر كلمة: مجهود رائع كم كل الدول العربية!

تعليقات
Loading...
Tweet
Share
Share
Pin