في ملاهي: فرح حسن أبو الروس وغادة والي بيغير فكرة الأفراح في 2021

بأغرب وأجدد أفكار للأفراح، حسن أبو الروس وغادة والي كسروا كل الأفكار التقليدية بفرحهم، اللي اتعمل في Zed Park، غير القاعات والبحر والأماكن الـ Open Air، فرح بأصيع فكرة، هنفضل فاكرينه، والصور فيه كانت حقيقي مميزة، وحضره نجوم كتير بنحبهم من الوسط الفني، ومن رأينا، الفكرة دي أكتر حاجة تليق على الشيكالاستيك ودماغه والأجواء المفرحة اللي دايمًا بتوصل لنا بمجرد ما بنشوفه على الشاشة.

شوفنا في الفرح أحلى عصابة اتعلقنا بيهم في مسلسل بـ100 وش متجمعين وكانوا واحشيننا، وكمان الـ intrance للعروسين كان مميز.

فرح حسن أبو الروس في الملاهي

شاهد .. نجم مسلسل 100 وش #حسن_ابوالروس بيعمل فرحه في الملاهي في حضور نجوم الفن 😂😂🔥

Posted by ‎هاني عزب Hani Azab‎ on Saturday, June 19, 2021

حسن أبو الروس عرفناه من أدوار مختلفة، لكن أكتر دور اتشهر بيه كان دوره في مسلسل بـ100 وش، اللي تقريبًا فيه كتير من شخصيته الحقيقية، وغادة والي بتكون مصممة جرافيك، طورت خط عربي تم اختياره كواحد من أفضل 100 قطعة تصميم جرافيكي في العالم، من جمعية فنون الطباعة في شيكاغو.

لو بنشوف أفكار مختلفة كتير للأفراح الفترة دي، فالفرح ده بيعلي سقف التوقعات والـ creativity للسما، وهيفضل الناس بتتكلم عليه فترة مش قليلة لإنه فعلًا كسر كل اللي متعودين عليه، وبنتمنى نشوف أفكار مختلفة أكتر.

آخر كلمة: ماتفوتوش قراءة: بالصور: فرح بنت علا غانم يتصدر محركات البحث في جوجل

تعليقات
Loading...
Tweet
Share
Share
Pin