في عيد ميلاد شاروخان الـ55.. برج خليفة احتفل بيه بأحلى طريقة ممكنة

مفيش حد في الوطن العربي أو في العالم كله، ميعرفش نجم السينما الهندية الكبير شاروخان، اللي موصلش للنجومية دي بس بسبب أدائه العظيم في التمثيل، ولكن كمان بسبب شخصيته البسيطة واللي قريبة من الناس.. من كام يوم كمل شاروخان عيد ميلاده الـ 55، وطبعًا كل جمهوره من الوطن العربي والعالم احتفل بيه بطريقته الخاصة.

ولكن الجميل إن شاروخان اختار مدينة عربية، وهي دبي، علشان يحتفل فيها بيوم ميلاده، وإمارة دبي أهدت الفنان الهندي، الهدية اللي يستحقها، وتم إضاءة برج خليفة اليوم ده بصورة لشاروخان كتهنئة له.

ونشر النجم شاروخان صورة ليه قدام برج خليفة، وكتب إنه سعيد جدًا إنه يشوف صورته على أطول شاشة في العالم، وأظهر امتنانه وشكره لإعمار دبي وبرج خليفة على اللافتة الجميلة دي، وكمان قال إن أولاده أعجبوا جدًا بدبي وإن هو كمان حبها.

آخر كلمة: ماتفوتوش قراءة: 13 من المشاهير ماكنتش تعرف إنهم بيملكوا بيوت في دبي.

تعليقات
Loading...
Tweet
Share
Share
Pin