مفيش حاجة أحلى من إننا نقضي وقت عائلي حلو مع أسرنا وأطفالنا، وده مهم لتقوية العلاقات بين أفراد العيلة، ولكن كل أفراد الأسرة بيكونوا مشغولين طول الأسبوع في الدراسة، أو الشغل، وبنحتاج في أيام الأجازة نقضي أوقاتنا مع العيلة، وفي السعودية فيه أماكن كتيرة مابتنتهيش ممكن نزورها مع العيلة.
والرياض فيها أماكن كتير مناسبة للخروجات والرحلات العائلية، وده ليه فوايد كتير زيّ تقليل مشاكل الأطفال وعلشان يحسوا بحب وقرب أهاليهم منهم، والتقليل من المشاكل والتوتر عمومًا، والإحساس بالأمان.. فتعالوا نتعرف على شوية من الأماكن دي.
برج المملكة
هنلاقي في برج المملكة كوبري سماوي، بيوفر إطلالة بمنظر رائع، ومبهر، ومميز للعاصمة الرياض، وفيه نقدر نعمل أنشطة زيّ التسوق.
المتحف الوطني
من أكتر الأماكن المميزة في الرياض، وموجود فيه آثار كتير، وأفلام ومؤثرات صوتية، ومن الأماكن اللي لازم نزورها في السعودية لأهميته، وبيعتبر مكان مناسب للوقت العائلي.
حديقة الحيوان
مش هنلاقي فيها حيوانات بس نتفرج عليهم ونلعب معاهم، ولكن في كمان مساحات خضرا واسعة، من الأشجار والنخيل، وفيها أماكن لعب للأطفال، ومطاعم.. وهي موجودة في وسط الرياض يعني مكانها استراتيجي وسهل الوصول ليه.
قصر المصمك
من أهم المعالم التاريخية والسياحية في الرياض، فهو يحتل مكانة كبيرة في تاريخ المملكة، ومن أفضل المتاحف بالسعودية، ويحتوي على صور، وخرايط، ومجسمات، وآثار، وبيعتبر مكان مناسب للخروج مع العيلة، والتعرف على تاريخ المملكة.
منتزه البجيري التراثي
هنلاقي فيه بحيرات واسعة ومحلات تجارية، بتوفر أنشطة ترفيهية وأماكن للتسوق، وكمان في مطاعم، وقعدات شعبية، ومحلات لبيع الهدايا.
منتزه الملك عبدالله الترفيهي
هو وجهة سياحية وترفيهية في الرياض، وبيعتبر من أكبر وأحسن المنتزهات هناك، وفي أماكن للعب والجلوس، ويحتوي على مساحات خضرا ومائية كمان.
حديقة العليا
في الحديقة هنلاقي أماكن مخصصة للأطفال للعب، وكمان في ملعب كرة قدم صغير، والحديقة مناسبة لأجواء الهدوء والاستجمام، وفيها أماكن للجلوس متغطية من أشعة الشمس.
منتزه الفانتزي لاند
موجود في شارع السرور بحي الرمال، وهو من أجمل المتنزهات في المملكة، ومناسب لكل الفئات العمرية، ولأجواء العائلات، وهو مليان مساحات واسعة من الخضرة، وممكن نأجر العجل هناك، ونتفرج على عرض الدلافين، ونركب المراكب في البحيرة، وفي كمان مطاعم.
مدينة التلج
مدينة التلج من المناطق المشهورة بالأنشطة الترفيهية، موجودة في الربة بالرياض، وهي عبارة عن مكان كله تلج في تلج بيخليك تحس بالشتاء، وكمان ممكن نبني كوخ من التلج ونتزحلق على المنحدرات.
مدينة سفوري
هي من أشهر المدن الترفيهية في الرياض، ومن أكتر الأماكن اللي اتعملت بعناية واهتمام شديد، وبتوفر جو مناسب للأسر والأطفال.