في اليوم الوطني الـ 50 للإمارات: ازاي فنانين الوطن العربي بيحتفلوا باليوم ده؟

النهارده بتحتفل دولة الإمارات بمناسبة اليوم الوطني الخمسين. وبتشهد مدن الإمارات احتفالات وعروض مختلفة، اللي بدأت من امبارح يوم 1 ديسمبر، وهتستمر ليوم 11 من شهر نوفمبر اللي جاري. وبتتضمن الاحتفالات دي أنشطة ترفيهية للعائلات، وكمان حفلات موسيقية. ودول أبرز النجوم اللي احتفلوا باليوم ده، سواء بالقيام بحفلات غنائية، أو حتى نشر بوستات بمناسبة مرور 50 سنة اتحقق فيها إنجازات ضخمة على أصعدة مختلفة.

امبارح أقامت بلقيس فتحي حفل غنائي في مدرج خورفكان احتفالاً باليوم ده، وقدمت مجموعة كبيرة من أفضل أغانيها. وقدمت كمان أغنية خصيصًا للاحتفال باليوم الوطني الـ50.

أما النهارده هيحيي حسين الجسمي وديانا حداد وداليا مبارك حفل في برج بارك. وبكرا الموافق 3 ديسمبر هيحيي الجسمي حفل تاني في المجاز. محمد المنهالي، وفيصل الجاسم والماس هيكونوا متواجدين في نفس المكان لإقامة حفلات. وتم حجز كل تذاكر العروض والحفلات الغنائية دي.

وفي LOUVRE أبو ظبي يوم 3 ديسمبر، هتشارك أحلام في الاحتفال باليوم ده من خلال تقديم حفل غنائي.

وبجانب الحفلات الغنائية، زينة بلدية مدينة أبوظبي شوارع العاصمة، وهيكون في ألعاب نارية احتفالية في سماء كورنيش أبوظبي ومدينة العين ومنطقة الظفرة الساعة 9:00 مساء يوم 2 ديسمبر. وكمان في جزيرة المارية يوم 2 و3 ديسمبر في اليوم الوطني للإمارات.

آخر كلمة: ماتفوتوش قراءة: “بالرغم من تبعيات فيروس كورونا: جواز سفر الإمارات الأول والأقوى عالميًا في 2021” …

تعليقات
Loading...
Tweet
Share
Share
Pin