خوفو في سان بطرسبرغ: زوجان روسيان بنوا الهرم المصري في جنينة بيتهم

0

مدفوع بحبه لمصر والحضارة الفرعونية القديمة، بنى المدون الروسي أندري فاكروشيف مع زوجته فكتوريا نسخة طبق الاصل من هرم خوفو، في قرية استينكا على بعد 12 كيلومترا من مدينة سان بطرسبرغ الروسية.

النسخة الروسية من خوفو مبنية بالخرسانة، وهي أصغر من الهرم الأصلي ب19 مرة. ومساحة الهرم الروسي بتبلغ حوالي 169 متر مربع، وارتفاعه حوالي 9 متر وبينحدر لنفس العمق تحت الأرض، والوزن الكلي للهرم هو حوالي 400 طن.

بواسطة: انستجرام

قعد الثنائي الروسي يدرسوا تصميم الهرم لمدة سنتين قبل ما يبتدوا في بناءه يونيو 2019، وقال المدون في تصريحات صحفية إنه قام بمعايرة كل المستويات الأربعة للهرم بدقة، وأعاد إنتاجها زي ما هي، وده بيتضمن بوابة الهرم، والتابوت الحجري اللي بناه بنفس حجم الأصلي بس من الخشب، والمتاهات الداخلية فيه.

بواسطة: انستجرام
بواسطة: انستجرام

أطلق الزوجان إسم “تحوت” على الهرم بتاعهم، وهو الاسم الخاص بإله الحكمة عند الفراعنة، وقالوا إنهم راعوا عند بناءه العلوم، والثقافة المصرية القديمة، والكتابات، والتصاميم الفرعونية. والهرم مزود بصالة داخلية ومتوصل بالإنترنت، وبيجيله زوار سواء للفضول أو ممارسة اليوجا أو لحبهم للحضارة المصرية القديمة. وبالنسبة للزوجين، فهما قالوا إنهم شغالين حالياً على بناء معبد قريب من الهرم، وهيتم وصله بيه بممر بينهم.

آخر كلمة: الحضارة الفرعونية هتفضل مُلهمة في العالم كله مهما اختلف المكان والزمان.

تعليقات
Loading...