التخمينات بقت خبر رسمي حصريًا، الرابر الأمريكي كاني ويست هيعمل حفلة في منطقة أهرامات سقارة يوم 20 أبريل الجاي، بعد ما انتشرت إشاعات وتخمينات عن إقامة حفلته في مصر، شركة Venture Lifestyle المقيمة للحفل أكدتلنا الخبر.
الشركة اللي عملت حفلات لجينيفر لوبيز وBlack Eyed Peas هتقدملنا كاني ويست في القاهرة في شهر أبريل.
الحفلة هتكون مختلفة حتى في الديكور، ومن المفترض إنها هتكون قطعة فنية تتناسب مع الموقع التاريخي في سقارة، ده غير إن في كلام عن إن نورث ويست، بنت كاني ويست، هتغني معاه في الحفلة، بعد ما أطلقت أول ألبوم لها واللي مرتبط بألبوم والدها في 2004، لكن لسة خبر غنائها في الحفلة غير مؤكد.
وعن مكان الحفلة واختياره، سقارة تعتبر أكبر موقع أثري حاليًا في مصر، واللي كانت المقبرة الرئيسية للعاصمة القديمة ممفيس.
وغير إن الحفلة حدث كبير وهتحصل لأول مرة، فهي كمان خطوة مهمة للدولة في الترويج لنفسها كوجهة للفنانين والموسيقيين من العالم كله، وخطوة مهمة للسياحة في مصر بكل أنواعها.