حاجة أساسية في الشتا.. إزاي تنسق الجاكيت الجلد بأكتر من طريقة

موضة الشتا بتتغير كل سنة، في الألوان والموديلات، لكن ملك اللبس الشتوي بلا منافس هو الجاكيت الجلد، مش بيحتاج مجهود كبير في تنسيقه ودايمًا بيدي شكل مميز في الآخر وشيك، وهو قطعة أساسية في دولابنا كلنا بنات أو ولاد، اللي بيختلف بقى إزاي ننسق عليه كذا طقم بشكل مختلف على أحدث موضة كل سنة، علشان كده هنساعدك تنسق الجاكيت الجلد بأكتر من طريقة للبنات والشباب.

على جينز بوي فريند

من أكتر الحاجات اللي بتغير شكل الطقم خالص لشكل كاجوال أكتر، البنطلون الجينز بستايل “boy friend” وعليه بيزك أبيض أو أسود تحت الجاكيت، بكل سهولة هتحصلي على أوتفيت مظبوطة وشيك.

بنطلون كاروهات

على طريقة نجوم هوليوود، ممكن تنسق الجاكيت على بنطلون مخطط أو كاروهات، هيديلك في النهاية لوك كاجوال مختلف للجاكيت.

الجاكيت الجلد مع الفساتين

عن: فستاني

من الحاجات اللي طالعة موضة جدًا السنة دي الفساتين الصوف، فممكن تستغلي ده في إطلالة مختلفة مع الجاكيت، وكمان على أي فستان بأي شكل، الجاكيت الجلد هيضيفله شكل مميز.

بنطلون جلد

من أكتر الحاجات اللي طالعة موضة دلوقتي البنطلون الجلد، فممكن تستغلي ده وتلبسيه على الجاكيت ده، وماتخافيش مش هيبقى نفس فكرة ستايل حنفي الأبهة، الشكل في الآخر بيطلع شيك جدًا.

قميص وكرافت

بشكل مختلف، ممكن تلبس الجاكيت على قميص وكرافت، وممكن كمان تلبس عليهم بلوفر تحت الجاكيت، هيكوَن شكل مختلف وشيك.

آخر كلمة: ماتفوتوش قراءة: بتواجهي مشكلة في اختيارِك لِلبسك؟ جبنالك 5 أماكن لملابس محجبات على الموضة

تعليقات
Loading...
Tweet
Share
Share
Pin