في أول مرة ظهرت جينيفر لوبيز مع بن أفليك خلال مهرجان البندقية للأفلام في شهر سبتمبر اللي فات، خطفت إطلالة جينيفر لوبيز وبن أفليك الأنظار وكانت دليل بيأكد الإشاعات اللي طلعت عن علاقتهم العاطفية. امبارح وبعد حوالى 3 شهور ظهر الـ couple مرة تانية على السجادة الحمراء، فظهرت جينيفر لوبيز في فستان أنيق وبإطلالة ساحرة من تصميم اللبناني إيلي صعب.
وكان واضح على لوبيز وأفليك إنهم couple عايش حالة حب، واللي ظهرت في إطلالتهم في العرض الأخير لفيلمه الجديد The Tender Bar يوم الأحد بالليل في مسرح TCL الصيني في هوليوود، كاليفورنيا.
لبست جينيفر فستان من الشيفون بلون أزرق سماوي من تصميم المصمم اللبناني العالمي إيلي صعب وكانت الإطلالة بالكامل في غاية الأناقة والجمال، وكملت الإطلالة بشنطة كلتش من تصميم Tyler Ellis.
أما لون الفستان الأزرق السماوي فهو معروف إنه لون ملكي، وظهرت إطلالة جينيفر لوبيز في اللون الملكي ده زيّ ما تكون أميرة من أميرات ديزني. وضافت جي لو على اللوك مجوهرات فخمة من الألماس اللي لمعت تحت الأضواء، وكانت لابسة Earings طويلة وbracelet من الألماس.
أما بن أفليك فظهر في العرض الأول لفيلمه ” The Tender Bar” بلوك شتوي جميل مكون من معطف coat أسود تم تنسيقه مع البدلة السوداء ذات التصميم الكلاسيكي.
وفي قصة فيلم بن أفليك الجديد “The Tender Bar” بتدور حول جي آر (شيريدان)، وهو ولد اتربى في لونغ آيلاند بيحاول يتعرف على شخصية والده وده بين الكاو بويز اللي بيشربوا كتير في حانة bar عمه تشارلي (بن أفليك)، وفي نفس الوقت بتكافح والدة الطفل (ليلي راب) علشان توصل ابنها لمستقبل أحسن عن طريق إنها تلاقي مكان تاني غير بيت والدها اللي قرب يوقع (لويد).
The Tender Bar هو أخر تجربة إخراج جديدة للنجم جورج كلوني، ومن بطولة النجم بن أفليك، وتاي شيريدان، وليلي راب، وكريستوفر لويد، قصة الفيلم مقتبسة عن كتاب بنفس الاسم من تأليف جون جوزيف موهرينجر اللي أخد جايزة بوليتزر، وكتب له السيناريو ويليام موناهان اللي أخد جائزة الأوسكار.