جنا دياب وإعلانها عن إصابتها بـ ADHD.. حاجات مانعرفهاش عن المرض ده

بعد ما طلعت جنا بنت عمرو دياب واتكلمت لأول مرة عن مرضها ADHD واللي بسببه اتعرضت للتنمر ووصفها “بالغباء والكسل” واتطردت من المدرسة، وبعد ما حكت عن معاناتها مع الناس اللي حوليها وازاي قدرت جنا تتغلب على ده، تعالوا نعرف إيه هو المرض ده وإيه أعراضه.

عن: instagram

يمكن ناس كتير ماكانتش تعرف حاجة عن المرض ده، بس بدأ يتعرف والناس تتكلم عنه في السوشيال ميديا وفي الصحافة، خصوصًا بعد مسلسل “خلي بالك من زيزي” اللي اتعرض في شهر رمضان 2021 واللي كانت بطلته بتعاني من المرض ده.

مرض ADHD هو مرض اضطراب فرط الحركة ونقص الانتباه، يعتبر من أكتر اضطرابات النمو العصبي شيوعًا في مرحلة الطفولة وفي الغالب بيستمر لمرحلة البلوغ.

أعراض مرض ADHD

  • عدم القدرة على التركيز
  • صعوبة في التنظيم والترتيب
  • مفيش اهتمام بالتفاصيل
  • النسيان المستمر
  • التشتت بالمؤثرات الخارجية
  • مش بيقدر يقعد فترة كبيرة في نفس المكان
  • بيتكلم بشكل مبالغ فيه
  • حركته كتير، وبيتحرك في أي مكان
  • بيحس بالملل بسرعة

في علاج دوائي للمرض بيأثر على كيمياء الدماغ وعلاج نفسي برضه، وحطوا أسباب كتير لظهور المرض ده منها نقص الأكسجين للطفل أثناء الولادة أو التعرض للسموم ومنها الزيبق أثناء الحمل.

واللي أهم من إننا نعرف عن المرض أو نعرف إيه الأدوية اللي لازم تتاخد، أهم حاجة هي الدعم النفسي للمريض ونرجعله ثقته بنفسه من تاني علشان يرجع طفل سوي نفسيًا.

أخر كلمة: ماتفوتوش قراءة: في شهر التوعية بالصحة النفسية: إيه العلامات اللي تقولك إن صحتك النفسية محتاجة لاهتمام؟

تعليقات
Loading...
Tweet
Share
Share
Pin