تحديث ببجي الجديد: مود الفراعنة والأهرامات بالإضافة لأسلحة جديدة

0

كل فترة بيقوم الفريق المطور للعبة ببجي بإضافة تحديثات جديدة ليها، وفي آخر نسخة من ببجي بيتا للموبايل تم وضع مغامرات جديدة في مود مسمينه الفراعنة، والمود ده هيضم ألغاز فرعونية ومعابد وأهرمات بتتحرك باستمرار، وهيحارب فيه اللاعيبة وحوش فرعونية مع أصحابهم.

مطوري ببجي كانوا أضافوا الشهر اللي فات تعديلات وتحسينات على خريطة ميرامار، وفي التحديث الجديد رقم 0.19.0 ميرامار بقت شبه مصر القديمة بالظبط، وده بيزود من الحماس وروح المغامرة في اللعبة اللي مهووس بيها الملايين حول العالم، ودايماً بيتم فك شفرتها وبثها على السوشيال ميديا، والموضوع ده بيحط مطوري اللعبة في تحدي دائم.

بواسطة: fossbytes.com

المود الجديد بيضم 3 أهرامات متحركة، وجوا كل هرم في 3 ألغاز مطلوب من اللاعيبة يحلوها، وبعد ما يحلوا الألغاز هيظهر فرعون يصيبهم باللعنة، واللعنة دي هتخلي الأهرامات تطير في الجو على أرتفاعات كبيرة.

علشان يقدر اللاعيبة يخرجوا من الأهرامات لازم يحاربوا الحراس، ومن بعدهم مومياء الفرعون الشريرة والأفعى بتاعتها السامة بأسلحتهم العادية علشان يقدروا يفوزوا بالباراشوت وسيلتهم الوحيدة للهروب.

بواسطة: fossbytes.com

أثارت لعبة ببجي جدل كبير الفترة اللي فاتت، وده بعد ما كان صدر تحديث ليها بيركع فيه اللاعب لصنم في خريطة سانهوك علشان ياخد معدات وأسلحة، والتحديث ده علق عليه الأزهر الشريف باستنكار شديد، وحذر مركز الأزهر العالمي للفتوى الإلكترونية من اللعبة و خطورتها على عقائد الأطفال والشباب. وفي المقابل، كانت استجابة مطوري اللعبة لانتقادات الأزهر سريعة وقاموا بإلغاء الجزء ده منها وتقديم اعتذار رسمي على صفحة اللعبة الرسمية على السوشيال ميديا.

آخر كلمة: متفوتوش قراءة السعودية تنضم لكبار الرياضة الإلكترونية العالمية بـ “لاعبون بلا حدود”

تعليقات
Loading...