بالصور: ممشى أهل مصر، وجهة جديدة في القاهرة

أهل مصر مشروع جديد لتنشيط السياحة الداخلية والخارجية في القاهرة، والمحافظات المصرية اللي بتطل على النيل، وهو هيكون ممشي للأفراد على كورنيش النيل هيغير وجه القاهرة، بتصميم مختلف، ومساحات خضرا على النيل مباشرًة.

الممشي متدرج على الكورنيش بطول حوالي 5 كيلومتر، وعرض الممشي العلوي حوالي 4.5 متر، وعرض الممشي السفلي 6.5 متر، وبيضم المشروع 19 مبني، والمباني دي هتحتوي على عدد من المطاعم والكافيتريات والمحلات التجارية والجراجات، وكمان هيكون فيه مسرح بيتسع ل 772 فرد. والممشى هيدي فرصة لأي حد إنه يتنزه ويتمشى على النيل في مكان نضيف من غير أي تعديات من اللي موجودة في معظم المناطق اللي بتطل على النيل حاليًا، وهو كمان بيهدف لاستعادة المنظر الحضاري للنيل.

المشروع تم البدء فيه من 2019، وحاليًا بيتم تنفيذ المرحلة الأولى والمرحلة التانية منه وسط تصريحات لرئيس الوزراء بتشيد بتنفيذ المشروع في وقت قياسي، والممشى موجود دلوقتي في المسافة الواقعة بين كوبري 15 مايو وكوبري إمبابة من ناحية النيل، وتم الانتهاء من تنفيذ المرحلة الأولي من المشروع بنسبة 90.4% .

أما بالنسبة للمرحلة التانية من المشروع، فجاري التنسيق لعمل بروتوكولات بعد استلام اللوحات والمقايسات النهائية من المالك، وهي وزارة الإسكان متمثلة في هيئة المجتمعات العمرانية، وكمان انتهت أعمال تجهيز الموقع الإداري للشركات المنفذة في كل القطاعات، من كرفانات وأسوار، وجاري حصر التعديات والتعامل معاهم. ومن ناحية تانية، تم إسناد جميع القطاعات إلى الشركات المنفذة، وإسناد أعمال الإشراف على التنفيذ إلى استشاري المشروع.

آخر كلمة: متفوتوش قراءة مشروع جديد: أول قطار سريع في مصر من العلمين للسخنة.

تعليقات
Loading...
Tweet
Share
Share
Pin