بالصور: ليه لازم تزور الأقصر في أقرب وقت ممكن..

في قلب صعيد مصر، في أقصى الجنوب، الأقصر، واحدة من أهم المدن التاريخية، تعتبر كنز مصري أصيل، مدفون بالنسبة لكتير من أهل البلد. آثار الأقصر ومعالمها وجهىة سياحية للأجانب بشكل عام، بس مفيش مصريين كتير خصوصًا من الشباب بيسافروا هناك. دلوقتي كتير من جيلنا لو مفيش بحر مش هيسافروا، بس مصر أكبر بكتير من الساحل أو الجونة أو دهب.

الأقصر مدينة بيرجع عمرها لألاف السنين، وجمالها على الرغم من قدمه إا إنه متأثرش عشان كدا قررنا نجيب ليكم صور من العاصمة الفرعونية لمصر عشان تقدروا جمالها.

وادي الملوك اللي موجود فيه ٦٣ مقبرة لملوك الدولة الحديثة ومن أهم المقابر الموجودة: مقبرة رمسيس التاني ومقبرة حتشبسوت. عن Egyptian Tourism Authority.
معبد الكرنك بيتكون من عدة مباني وبيتميز أنه كان بيستخدم حتى بعد إنتهاء العصر الفرعوني. وتم البناء فيه من عصر الدولة الوسطي حتي عصر مصر البطليمية. عن Egyptian Tourism Authority.
معبد الأقصر هو من أهم معابد المدينة وتم بنائه في سنة ١٤٠٠ قبل الميلاد، وبيختلف معبد الأقصر عن المعابد التانية لأنه مكنش مخصص للألهه ولكن مخصص لتتويج الملوك. عن Egyptian Tourism Authority.
 معبد حتشبسوت في الدير البحري هو معبد بنته الملكة حتشبسوت لنفسها ولعبادة الإله آمون. عن Memphis Tours.
وادي الملكات هو مكان مخصص لدفن الملكات الأسرة الـ ١٨ والـ ١٩ والـ ٢٠، ومن أبرز المقابر دي مقبرة الملكة نفرتاري. عن Memphis Tours.
دير المدينة كانت في الأساس المدينة اللي بيعيش فيها العمال اللي كانوا بيشتغلوا علي مقابر الملوك في الدولة الحديثة، ولما دخلت المسيحية مصر تحول معبد حتحور إلي كنيسة فتغير اسم المدينة إلي ”دير المدينة“. عن YouTube.
منزل المستكشف الأمريكي هوارد كارتر اللي أكتشف مقبرة توت غنخ آمون، وتم بناء تقليد للمقبرة أمام منزله. عن Lonely Planet.
مقابر النبلاء من الأماكن اللي مش كتير من الناس بتزورها، والمقابر دي بتحتوي علي مقابر من الدولة القديمة حتي عصر مصر البطلمية. عن GPSmyCity.
معبد هابو هو معبد بناه الملك رمسيس التالت للتقوس الجنائزية ولعبادة الإله آمون وبيعتر من أهم معابد الأسرة العشرين. عن blogger.
متحف الأقصر اللي بيقع علي كورنيش النيل في مدينة الأقصر تم افتتاحة في سنة ١٩٧٥ وبيحتوي علي قطع أثرية النادرة. عن Wow Travel Egypt.
تمثالا ممنون هما بس اللي متبقي من معبد الفرعون أمنحتب التالت وسبب تسميتهم بالاسم ده هو لأنهم بيصدروا أصوات بسبب الهواء والأصوات دي شبهوها بصوت المحارب الأسطوري ممنون. عن TripAdvisor.
معبد الرامسيوم هو من المعابد الجنائزية وبناه الملك رمسيس التاني، وبتحكي نقوش هذا المعبد عن طبيعية الحياة في هذا الوقت وعن أحدا معركة قادش الشهيرة. عن Memphis Tours.

آخر كلمة: متفوتوش قراءة: كورس لتعليم اللغة الهيروغلفية للأطفال برعاية وزارة السياحة.

تعليقات
Loading...
Tweet
Share
Share
Pin