المنطقة العربية مليئة بالمصورين العرب المميزين في الكثير من انواع التصوير المختلفة. وفي التقرير ده هنقدملك بعض الأسماء اللي ممكن تتابع ابداعاتها على انستجرام.
علي الرفاعي
من المصورين العرب المميزين في مجال تصوير الإعلانات والأزياء. مصور محترف واشترك في تصوير العديد من الإعلانات لشركات كبيرة في الخليج. وكمان علي عنده قناة على اليوتيوب بيشرح فيها كل ما يخص التصوير والتعديل، وتقدروا تتابعوه على إنستجرام من هنا.
مصعب الشامي
مصور مصري بيعيش في المغرب وبيصور في احد أكبر وكالات الأنباء أسوشيتيد برس.وتقدر تتابع ابداعاته من هنا.
أحمد هيمن
من أهم المصورين المصريين ومن الناس اللي لو كنت بتحب التصوير لازم تتابعهم. و آخر أعماله كانت الاسبوع الماضي مشروع مع مؤسسة اليونيسف وشارك في المشروع العديد من الفنانات الكبار زي: ليلى علوي، وهند صبري، وبسمة، ومنى زكي، وشيرين رضا. وتقدر تتابع ابداعاته من هنا.
محمد أهلي
مصور إماراتي مهتم بتصوير الطبيعة فلو مهتم بالنوع دة من التصوير تقدر تتابع ابداعات محمد من هنا.