الصيني ولا فايزر؟ الدول العربية تستقبل اللقاح الجديد

في الظروف الصحية الصعبة اللي بنمر بيها بقالنا سنة تقريبًا بسبب جائحة “كوفيدـ19″، الفيروس اللي انتشر من الصين واتنقل للعالم كله بسرعة، وأدى لإصابات ووفيات كتيرة، وخسارة مادية كمان، وتعطيل في كل المجالات تقريبًا، وخسارة كبيرة في اقتصاد البلاد، وده كله حصل بسبب الحظر والغلق العام اللي حصل للحد من انتشار فيروس كورونا، واللي خلى الناس كلها تسأل يوم بعد يوم “فين اللقاح؟”.

عن: abcnews

وبعد سنة تقريبًا في لقاحين ظهروا وهم “فايزرـ بيونتيك” المشترك من الشركة الأمريكية والألمانية، واللقاح الصيني اللي أنتجه معهد بكين للمنتجات البيولوجية وتم تطويره من شركة “سينوفارم سي إن بي جي” ولكن إيجابية نتيجتهم مش مثبتة 100%، ولكن في بعض الدول بدأت تعتمدهم، فتعالوا نعرف مين من الدول العربية اعتمد أنهي واحد.

الدول العربية اللي اختارت اللقاح الأمريكي والألماني “فايزرـ بيونتيك” هم البحرين، والكويت، والسعودية، والأردن، وقطر.. أما الدول اللي اختارت اللقاح الصيني فهم البحرين برضه، فالبحرين قررت تستخدم اللقاحين، والإمارات، ومصر، والمغرب.

عن: bbc

وفي بعض الدول بدأت تستقبل شحنات من الجرعات المتفق عليها مع شركات المنتجة زيّ الإمارات اللي شاركت في تطوير اللقاح الصيني، وكمان مصر اللي وصل ليها الخميس اللي فات الدفعة الأولى “50 ألف جرعة”، وفي بلاد أعلنت إنه خلال الأيام القليلة اللي جاية هتستقبل اللقاح وهتبدأ عملية التطعيم زيّ السعودية.

آخر كلمة: ماتفوتوش قراءة: قرارات من الحكومة للحد من انتشار فيروس كورونا.

تعليقات
Loading...
Tweet
Share
Share
Pin