لمحاكاة الواقع: السعودية تطلق مبادرة الحجر الأسود الافتراضي

بالتعاون مع معهد خادم الحرمين الشريفين لأبحاث الحج والعمرة بجامعة أم القرى، أطلقت السعودية مبادرة الحجر الأسود الافتراضي لمحاكاة الواقع، وأكد الرئيس العام لشئون المسجد الحرام والمسجد النبوي الشيخ عبد الرحمن بن عبد العزيز وهو بيعلن عن المبادرة دي إنها هتحاكي كل الحواس زيّ الرؤية والسمع واللمس وحتى الشم يعني هتحس إنك واقف قصاد الكعبة فعلًا!

والمبادرة دي جات ضمن أهداف المملكة والجهود اللي بتبذلها ومحاولتها إنها توصل إرثها الديني لكل الناس، وده لإنها بتمتلك كنوز تاريخية ودينية عظيمة، عن طريق رقمنتها وتعيشهم تجربة مميزة ماينسوهاش طول عمرهم.

محاكاة الواقع الافتراضي تجربة مش أول مرة تتنفذ في السعودية، كان في تجارب كتير اتعملت كان من ضمنها افتتاح أول صالة لألعاب الواقع الافتراضي من خلال شركة متخصصة في المجال ده، بتستخدم فيها أحدث التقنيات البصرية وبتدي لك فرصة تجربة اللعب في بيئة ثلاثية الألعاب.

العالم كله دلوقتي بيسارع الوقت علشان يعيش تجارب مختلفة من العالم الافتراضي، سواء زيّ ما حاول مؤسس شركة فيس بوك إنه يعيش العالم كله في عالم افتراضي، يعني تتكلم وتقابل شخص في الواقع الافتراضي مش موجود أصلًا!! وتجارب تانية مختلفة بتعيشك جزء من الواقع زيّ الألعاب الإكترونية، بس يا ترى كل التجارب دي ممكن تحقق لنا نفس الشعور اللي ممكن نعيشه على الحقيقة؟ ولا مجرد إننا هنجاري التكنولوجيا؟

أخر كلمة: ماتفوتوش قراءة: دينا أيمن أصغر مدير برمجيات في مايكروسوفت ضمن قائمة أكتر الشباب المؤثرين في العالم

تعليقات
Loading...
Tweet
Share
Share
Pin