اختيارنا لأفضل 10 أفلام مصرية في العشر سنين الأخيرة

على الرغم من إن العشر سنين الأخيرة مروا بسرعة كبيرة إلا إنهم كانوا مليانين بالحلو والمر، وواحدة من الحاجات اللي شهدت تقلبات متعددة هي السينما العربية. ففي النص الأول من العقد الأخير حصل تراجع في جودة الأفلام بسبب الربيع العربي، وبعد ما بدأ الاستقرار يخيم على المنطقة ابتدت الجودة تعود من تاني في الأفلام العربية.

جمعنا قائمة بأفضل 10 أفلام تجارية في العقد اللي فات، وهي مش قائمة بأفضل 10 أفلام على الإطلاق أو الأفلام اللي فازت بأكبر عدد من الجوائز ولكنها ببساطة أكتر 10 أفلام ممتعة.

اختار أفلامك المفضلة من قائمتنا ولو فاتنا أي شئ قولنا في التعليقات.

الفيل الأزرق

ممكن نقول إن الجزء الأول والثاني من فيلم الفيل الأزرق بطولة كريم عبد العزيز هما إثنين من أفضل الأفلام المصرية على الإطلاق، والتعاون بين أحمد مراد ومروان حامد في الفلمين ضمن إنهم يكونوا على مستوى مختلف بشكل كامل.

تراب الماس

فيلم تراب الماس هو تاني تعاون بين مراد وحامد بعد الفيل الأزرق وحقق نتائج مبهرة، فأبطاله آسر ياسين ومنة شلبي وماجد الكدواني ومحمد ممدوح قدموا أداء رائع في الفيلم ده.

ولاد رزق

إيه اللي ممكن يحصل لو اجتمع أحمد عز، وأحمد الفيشاوي، وأحمد داوود، وكريم قاسم في فيلم واحد؟ أكيد الفيلم هيكون ناجح فأولاد رزق والسلسة اللي بتتبعها من أفضل وأنجح الأفلام في الفترة الأخيرة وده بفضل طاقم العمل والمخرج العظيم وطارق العريان.

المصلحة

أحمد السقا وأحمد عز هما إثنين من أكبر الفنانين المصريين في العشرين سنة الآخيرة، واجتماعهم معاً في فيلم المصلحة ساهم بشكل كبير في نجاحه. الفيلم من إخراج المخرجة المشهورة ساندرا نشأت وتم إطلاقه عام 2012.

بنات العم

أحمد فهمي وهشام ماجد وشيكو كانوا أفضل ثلاثي كوميدي في السينما المصرية في الفترة الأخيرة، وبالرغم من إنهم انفصلوا حالياُ إلا إن فيلمهم بنات العم لسنة 2012 كان من أكثر الأفلام المضحكة اللي عمرنا ما هننساها.

هيبتا

بعد نجاح رواية هيبتا، كانت التوقعات للفيلم مرتفعة جداً، و عشان كده حرص المخرج هادي الباجوري على الوفاء بالتوقعات دي في عمله الفني. والفيلم ده ورانا الموهبة الحقيقية لماجد الكدواني اللي خلته واحد من أقوى الفنانين المصريين في الفترة الأخيرة.

عيار ناري

عيار ناري هو واحد من أكثر أفلام الجريمة والغموض إثارة للإهتمام، وشوفنا فيه أداء رائع من أبطاله زي أحمد الفيشاوي وروبي وأحمد ممدوح. الفيلم من كتابة هيثم دبور وإخراج كريم الشناوي.

نادي الرجال السري

فيلم آخر للفنان كريم عبدالعزيز ولكنه المرة دي كوميدي أكثر من كونه تشويق وإثارة. نادي الرجال السري فكرنا بخفة دم كريم عبدالعزيز وإنه مش بس من أقوى الفنانين المصريين لا هو من ألطفهم كمان.

من 30 سنة

فيلم من 30 سنة بيضم قائمة من أكبر النجوم في الوقت الحالي زي أحمد السقا ونور وشريف منير ومنى ذكي ومرفت أمين واللي كان في بينهم تناغم أوصل العمل للجمهور بشكل متقن. الفيلم من إخراج عمرو عرفة.

كزابلانكا

أمير كرارة كان في أفضل أداء له في آخر أفلامه كزابلانكا. الفيلم مليئ بالنجوم وممتع للغاية.

آخر كلمة: ما هو أفضل فيلم عربي في العشر سنين الآخيرة بالنسبة لك؟ أخبرنا في التعليقات.

تعليقات
Loading...
Tweet
Share
Share
Pin