أمطار وسيول شديدة في الجزائر بتسبب دمار كبير في العاصمة

0

مع بداية شهر سبتمبر في الجزائر العاصمة، نزلت أمطار رعدية قوية، اتسببت في سيول شديدة، وفيضانات في مدن كتيرة زي بومرداس، والبليدة، والبويرة، وبجاية، وجيجل، وسكيكدة.

عن: facebook

وشارك الناس على السوشيال ميديا صور بتبين حجم الدمار اللي سببته السيول، زي غرق المساكن، والمباني، والمساجد، والمحلات، والأنفاق بالمياه، وحوادث السيارات اللي غرقت في الطرق اللي انهارت، وده اتسبب في شل حركة المرور، وانهيار جزئي للسفارة الفرنسية، وخسائر مادية كتير لسة ماتحددتش كميتها.

عن: facebook

الناس استخدمت اسوشيال ميديا كمان في انتقاد البلاعات المسدودة، والبنية التحتية الضعيفة للعاصمة اللي ماتقدرش تستحمل أي مخاطر طبيعية، وقالوا إنها غير مهيئة لاستقبال أمطار الخريف الأولى، وأنهم كل سنة مع بداية فصل الخريف بيعانوا من نفس الأزمة، ولكن مش بيشوفوا حلول.

لحد دلوقتي متمش الإعلان رسميًا عن أي وفيات، وكانت هيئة الأرصاد الجوية حذرت من أمطار شديدة، وتغييرات جوية، ورياح قوية بسرعة 50 كم في الساعة، ولسة بتحذر من استمرارها، ومن قوتها.

آخر كلمة: ماتفوتوش قراءة فيضانات السودان بين تدفق المياه المستمر وعدم القدرة على السيطرة عليها

تعليقات
Loading...