أي شخص عقلاني بيحب الأكل وبيفهم فيه هيكون عارف إنه محتاج يروح المكان المناسب جوا القاهرة عشان يلاقي الوجبة المناسبة في المعاد المناسب! فمثلًا هتروح المعادي عشان موعد عشاء أنيق، أو الزمالك لو خارج مع مجموعة، أو المهندسين لو نفسك هفتك على أكل في وسط الليل، أو القاهرة الجديدة عشان موعد فطار مع الشخص اللي بتحبه.
وعشان كده قررت أجمعلكم أحسن أماكن الفطار اللي ممكن تروحوها في القاهرة الجديدة، اتفرجوا وادعولي!
“Angie’s Place”
في الحقيقة أنا معرفتش أختار صورة واحدة، عشان صورة واحدة مش هتكون كفاية في وصف حلاوة الأكل في المكان دا! “Angie’s” هو مكان بيعمل فطار طول اليوم مكانه جوا سبوت مول اللي في وش الجامعة الأمريكية. البان كيكس هناك هي أحلى بان كيكس أكلتها في حياتي.
“Ble Dore”
“Ble Dore” هو محل مخبوزات جديد في الرحاب مينفعش متجربوش. القهوة، المعجنات، التشيز كيك كلها حاجات هناك طعمها لا يوصف.
“Ovio”
أنا تقريبًا كده بحب كل اللي بيقدموه هناك، بس السلمون هناك تحديدًا هو حاجة مبقدرش أقولها لأ. وبالمناسبة المطعم في كايرو فيستيفال سيتي مول.
“Paul”
“Paul” هو أول مكان بيخطر على بالك أول ما تسمع كلمة فطار، وأكيد دا ليه سبب. فروع “Paul” التلاتة الجديدة في التجمع هما مول بوينت 90، داون تاون مول وكايرو فيستيفال سيتي.
“Frankie’s – The Breakfast Bar”
تقدر تخمن من الاسم ليه المطعم دا في القائمة بتاعتنا، بس هأكدلك إن مش الاسم بس هو اللي خلى
“Frankie’s” في التشكيلة دي. تقدر تلاقي عنوانهم على صفحة الفيسبوك بتاعتهم.
“Brioche Doree”
“Brioche Doree” عنده أكتر من فرع في القاهرة الجديدة. أي حاجة هتختارها من جزء المخبوزات في المنيو هيخليك لازم تروحه تاني.
“Caruso’s American Cafe”
أول ما فتح مطعم “Caruso” عمل ضجة كبيرة علشان البيتزا برجر اللي كانت جديدة في المطاعم المصرية. بس اللي أغلب الناس مايعرفوهوش هو إن “Caruso” عنده منيو فطار عظيمة! “Caruso” مكانه جوا جاليريا مول جنب كونكورد بلازا.
“.Shakespeare and co”
مكان آخر بيقدم فطار رائع طول اليوم! انت فعلًا لازم تجرب الفطار العجيب دا النهاردة قبل بكرة، مكانه في بوينت 90 مول.
“Gaby’s”
طبق ال”Egg Benedict” الأمريكي الشهير هناك مايتفوّتش.