أسلوب مضحك ولا غير مقبول من طفلة؟ فيديو الطفلة بسنت أثار الجدل

فيديو من برنامج ريهام سعيد على قناة النهار، لجزء من حلقة بتظهر فيها طفلة صغيرة اسمها بسنت “بتقصف جبهة” زيّ ما بيقولوا واتكتب على الفيديو، بأسلوب تريقة والحلقة كلها بأسلوب ضحك والكلام على فيديوهات البنت على تيك توك، والناس عملت ميمز على الفيديو اللي انتشر وضحكوا، وناس تانية شايفة أسلوب البنت غلط وماينفعش يكون من طفلة سنها صغير كده وبتتكلم كإنها ست عندها 40 سنة، وإن ماينفعش الأطفال يتقال قدامهم أي حاجة، فتعالوا نشوف الآراء والناس بتقول إيه على السوشيال ميديا.

إيه الإحراج ده😅 الطفلة بسنت تقصف جبهة ريهام سعيد على الهواء..بسبب "تيك توك"

إيه الإحراج ده😅 الطفلة بسنت تقصف جبهة ريهام سعيد على الهواء..بسبب "تيك توك"#صبايا_الخير#النهار

Posted by Al Nahar on Monday, March 8, 2021

والقناة احتفلت بملايين المشاهدات على الفيديو في وقت قليل وقالوا بسبب خفة دم الطفلة بسنت.

بسبب خفة دمها اللي سابقة سنها.. حققت الطفلة بسنت أكثر من 6 ملايين مشاهدة في أقل من 24 ساعة ببرنامج صبايا الخير مع ريهام…

Posted by Al Nahar on Tuesday, March 9, 2021

فيه ناس شافتها خفة دم وابتدت كمان تعمل ميمز على نفس الطريقة.

لما اشوف استوري لفاشون بلوجر بيقوله بنتالوووه

Posted by Nourhan Muhammad on Thursday, March 11, 2021

لكن الناس اللي شافت ده غلط عبروا عن رأيهم برضه..

بالصُدفه كنت بتفرج علي ڤيديوهات و لقيت ال interview دي قصادي فا العنوان شدني و ده طبعاً شئ مقصود بس العنوان مش مشكلة…

Posted by Menna Mohamed Mohamed on Wednesday, March 10, 2021

الطفلة بسنت اللي بتعمل تيك توك وعملت لقاء مع ريهام سعيد طفلة دمها تقيل ومحتاجه تتربي ردودها كأنها ست عندها 40 سنه…

Posted by Zena Khalil on Wednesday, March 10, 2021

وناس كمان شافت إن الهجوم ده كتير على طفلة صغيرة مش فاهمة لسه اللي بتعمله وإن ده تنمر على البنت مش إن البنت هي اللي بتتنمر زيّ ما الرأي التاني بيقول.

ما بين معاير خفة الدم والضحك وبين التربية الصح السوية شعرة، ناس شايفة كده وناس شايفة كده، بس وسط التكنولوجيا اللي حوالينا في كل مكان والأطفال دلوقتي في كل حتة بيستخدموها من سن صغير جدًا لازم ناخد بالنا من تصرفاتهم، انتوا شايفين الموضوع بضحك وهزار ولا فعلًا يستاهل الكلام اللي بيتقال عن التربية؟

آخر كلمة: ماتفوتوش قراءة: فيديو التورتة: إزاي بقى مستباح التنمر على بنت بشكل جماعي لركوب ترند؟

تعليقات
Loading...
Tweet
Share
Share
Pin