إطلالات الفنانين والفنانات في مهرجان الجونة السنادي ماكنتش عادية، بين إطلالات لفتت الأنظار من فساتين وبِدَل بشكل جديد ومختلف، أو مجوهرات قدرت إنها تخطف الأنظار على السجادة الحمراء.. تعالوا نشوف أكتر مجوهرات مختلفة في إطلالات الفنانات على مدار فعاليات مهرجان الجونة في دورته الرابعة، ومين الفنانين اللي ورا صناعة المجوهرات دي.
يسرا
مجوهرات الفنانة يسرا لفتت الأنظار من خلال تنسيقها مع إطلالة بسيطة في تاني أيام مهرجان الجونة السينمائي، في فعاليات إطلاق مسابقة “حريف تمثيل” اللي بتتم بالتعاون مع أورانج، المجوهرات من Rapture Fashion Jewelry.
أما في اليوم الرابع من فعاليات المهرجان، الإطلالة دي اعتمدت في اكسسواراتها على حلق من تصميم عزة فهمي، البراند اللي أثبت وجوده في عالم المجوهرات على مدار 50 سنة.
بسمة
على السجادة الحمراء للجونة، اختارت بسمة مجوهرات بسيطة من Glamour Jewellery أضافت كتير لإطلالتها بفستان أزرق طويل بأكمام واسعة، واختارت الاكسسوارات المناسبة بطريقة بسيطة، قدرت تظهر بإطلالة خطفت الأنظار.
هدى الإتربي
في حفل الافتتاح، لفتت الأنظار إطلالة الفنانة هدى الإتربي، اللي اختارت تضيفلها مجوهرات بتصميم مميز من Iram Jewelry.
إنجي كيوان
في إطلالة مميزة من حفل افتتاح مهرجان الجونة، ظهرت المذيعة إنجي كيوان بمجوهرات مميزة من Botros Jewellery أضافت لإطلالتها بالفستان باللون الأسود.
علا رشدي
بعقد مميز من تصميم عزة فهمي، اختارت علا رشدي إنها تضيف شكل مميز لإطلالتها اللي اعتمدت فيها على Jumpsuit بسيطة باللون الأسود، والعقد اللي بتصميم مصري فرعوني هو البطل في الإطلالة.
تارا عماد
بحلق تصميمه من التراث المصري، على شكل كف الإيد وجواه رسمة عين، اختارت تارا عماد اكسسوار إطلالتها من تصميم عزة فهمي.
غادة عادل
بمجوهرات من The Diamond Center، تألقت الفنانة غادة عادل في إطلالتها بحفل افتتاح المهرجان السنادي.
هيلدا خليفة
بحلق من تصميم Sylvie Saliba، ظهرت المذيعة اللبنانية هيلدا خليفة بإطلالتها المميزة في تقديمها لحفل الافتتاح للدورة الرابعة من المهرجان، واختارت مجوهرات بسيطة مع الفستان علشان تظهر تصميم الفستان نفسه واختارت الحلق ده فقط علشان يضيف لإطلالتها لمسة بسيطة.
أمينة خليل
في حفل ختام المهرجان، اختارت أمينة حلق باللون الأحمر من Rapture Fashion Jewelry، علشان يضيف لإطلالتها لون جذاب وشكل يكسر الإطلالة اللي كانت باللون الأسود.