النسخة الأولى من المهرجان السينمائي في السعودية، وبعد تأجيلات كتير بسبب ظروف كورونا، تمت بالفعل بمدينة جدة. وفي وسط فرحة كبيرة وتقدير كبير لمهرجان البحر الأحمر السينمائي وبما فيه من تقدير لدور الفن وكمان السيدات العاملين بالمجال، جيه الختام امبارح، علشان يكون فعلًا ختام مميز لمهرجان مميز بكل ما تحمله الكلمة من معنى.
حضر كتير من نجوم الوطن العربي للختام، وكانوا حرصين إنهم يدعموا المهرجان. وعلشان كده، حبينا نلقي الضوء على أبرز الإطلالات والفساتين المختلفة اللي شوفناها على السجادة الحمراء في ختام مهرجان البحر الأحمر السينمائي.
درة
درة من الفنانات اللي الناس بتستنى تشوف اختياراتها في الفساتين، لإنها دايمًا بتكون جديدة ومبهرة! في حفل الختام، اختارت درة فستان رقيق من دار أزياء طوني ورد، ستايليست يمنى مصطفلى، واكسسوارات مرزوق.
ياسمين صبري
أما ياسمين صبري، فاختارت إطلالة مختلفة ورقيقة في نفس الوقت، بفستان من توقيع رامي قاضي، ستايلست ياسمين عيسى، ومجوهرات من كارتييه.
هند صبري
هند صبري اختارت اللون الأسود علشان تظهر بيه على السجادة الحمراء لحفل الختام. الفستان لدار أزياء إيلي صعب ومجوهرات فواز غروسي.
سلمى أبو ضيف
حضرت سلمى أبو ضيف ختام مهرجان البحر الأحمر بـ Jumpsuit دهبي من دار أزياء زهير مراد.
أروى جودة
أروى اختارت قفطان حرير من دار أزياء أمريكي Ram Omar مع Jumpsuit من دار أزياء Saedi ومجوهرات أماني.
ريا أبي راشد
ريا أبي راشد اختارت فستان أحمر من بتوقيع زهير مراد، ستايليست سيدريك حداد ومجوهرات BVLGARI.