بواسطة فرح أشرف.
يوم الجمعة 17 يوليو كان يوم اللإيموجي العالميّ -أو يوم الرموز التعبيرية العالمي- اللي بتحتفل بيه شبكات التواصل الاجتماعي كلها وعلي رأسها الفيسبوك وتويتر وإنتسجرام. الاحتفال كان السادس على التوالي بعد ما تم تدشين اليوم العالمي ده في 2014.
وفي أجواء السعادة المحيطة باليوم ده أصدر فيسبوك إحصائيات لأشهر الإيموجيز حوالين العالم وقررنا نجيب ليكم الأكتر استعمالًا في منطقة الشرق الأوسط وشمال أفريقيا.
الإحصائيات بينت إن أكتر إيموجيز مستعملة للتعليق علي فيسبوك في الوطن العربي هي وش بدموع الفرح، وبعديه قلب أحمر، وقلب أسود، ووش مبتسم بعيون على شكل قلب، ووش القبلة، وورد، وقلب بيلمع وأخيرًا قلب مكسور.
ومؤخرًا بسبب ظروف الوباء العالمي كورونا في إيموجي انتشر بكثرة وهو الوش المبتسم اللي لابس كمامة وانتشر بكثرة في الدول العربية منهم مصر والجزائر والمغرب والمملكة العربية السعودية والإمارات العربية المتحدة، وعلى أساس التعليقات فيسبوك قدر يحدد مدى انتشاره في الدول دي.
1. مصر: 3,4+ مليون تعليق
2. الجزائر: 3,4+ مليون تعليق
3. المغرب: 1,2+ مليون تعليق
4. العربية السعودية: 900+ ألف تعليق
5. الإمارات: 600+ ألف تعليق
طبعًا، البلاد مش بتعتبره يوم عالمي وليه أجازة بس لسه العالم بيحتفل بيه!