بعد جائحة “كوفيد-19” اللي عطلت الدنيا لشهور، ووقفت جميع الرحلات والسفر، إبتدا السفر يرجع تدريجيًا في بعض البلاد ولكن بشروط زي إن لازم يكون معاك تحليل PCR قبلها بـ 72 ساعة أو 48 ساعة، ولكن أعلن الشيخ محمد بن راشد آل مكتوم حاكم دبي إن في تجديدات في بروتوكولات السفر الوقائية للمسافرين من والى إمارة دبي.
من ضمن التجديدات دي إن مش مطلوب من المواطنين القادمين إلى دبي أن يكون معاهم تحليل الـ PCR من البلاد اللي جايين منها أيًا كانت المدة اللي قعدوها فيها، وإنهم هيكتفوا بعمل تحليل الـ PCR لما يوصلوا للمطار، وده علشان يخففوا ويسهلوا الإجراءات على المسافرين.
بالنسبة للمقيمين والسياح القادمين للإمارة، فلازم يكون معاهم تحليل الـ PCR. أما بالنسبة لمسافرين الترانزيت فلازم يكونوا عاملين تحليل الـ PCR بس من وجهات معينة، أو على حسب وجهة السفر النهائية. وبالنسبة بقى للمغادرين من مواطنين، أو مقيمين، أو سياح، فمش لازم يكون في تحليل PCR خالص إلا على حسب وجهة السفر المغادرين لها.
القرارات دي جات مع التأكيد على الحرص على تطبيق الاجراءات الاحترازية والوقائية في جميع أنحاء دبي، وللحفاظ على الأمان للمسافرين، وأطقم الطيران، والعاملين بمطارات دبي.