حمو بيكا المغني الشعبي اللي على طول بيتواصل معانا على السوشيال ميديا وبالذات على انستجرام، ومؤخرًا نشر صور ليه على حسابه وهو بيشتغل مع الفنان المصري الكبير أحمد الفيشاوي على أغنية جديدة، وكتب عليها “قريبًا”.
أحمد الفيشاوي وحمو بيكا مش أول مرة يتقابلوا، فجمعتهم لحظة في فرح الفنانة هنادي مهنا وأحمد خالد صالح، وبيكا نزل صورة مع أحمد الفيشاوي وكتب عليها “الفيشاوي اللي بحبه.. أطيب قلب”، والجمهور طبعًا متحمس جدًا للأغنية دي، ومش قادرين يستنوا يشوفوا هما هيطلعوا بإيه.
حمو بيكا ليه شعبيته الكبيرة ومهرجاناته المميزة اللي معظم الناس بقت تسمعها وكمان بيضحكنا كتير بدمه الخفيف، والفنان الكبير أحمد الفيشاوي وهو مش مجرد ممثل بس، فشوفناله أغاني كتير زيّ أغنية فيلم “ورقة شفرة” بمشاركة فرقة أربيان نايتس، وأغنية فيلمه “القرد بيتكلم” وشارك معاه في الأغنية قصي، والفنانة هنادي مهنا، ومن إخراج الفيشاوي، وبيتميز بخفة دمه.