النهارده عدد كبير جدًا من المواطنين واجهوا مشكلة في توقف حركة القطارات في عدد من محطات الخط الأول لمترو الأنفاق، لمشكلة تم الإعلان عنها رسميًا بسبب عطل في الشبكة الكهربائية في محطة السيدة زينب، واللي أدت لتوقف الحركة في الخط الأول في محطات: سعد زغلول والسيدة زينب والملك الصالح ومار جرجس والزهراء، يعني حركة المترو كانت متوقفة من محطة السادات لمحطة دار السلام.
بيان صادر عن الشركة المصرية لإدارة وتشغيل المترو:
مترو الأنفاق: توقف الحركة بخمس محطات بالخط الأول بسبب انقطاع الشبكة…
Posted by رئاسة مجلس الوزراء المصري on Sunday, September 12, 2021
الناس على السوشيال ميديا كتبت إن العطل حصل في وقت مبكر، وده طبعًا سَبِب ازدحام مروري في الشوارع بسبب خروج عدد كبير من المواطنين اللي كانوا بيستخدموا المترو، واتجاههم لاستخدام وسائل مواصلات مختلفة في شوارع القاهرة، وده خلانا نيقن أهمية وسيلة زيّ مترو الأنفاق، اللي بينقل يوميًا ملايين المواطنين، في خط سير مظبوط بالوقت، ومجرد وجود عطل مفاجيء فيه سَبِب أزمة كبيرة للمواطنين. ومهما كنا بنقول المترو زحمة، عرفنا فعلًا أهميته في يومنا العادي.
لكن حركة القطارات في باقي محطات الخط الأول كانت شغالة بشكل طبيعي، وعلى الفور أعلنت الشركة المصرية لإدارة وتشغيل المترو إن انتقلت جميع فرق الطواريء لإصلاح الشبكة الكهربائية بمحطة السيدة زينب، وبالفعل أعلنت بعدها بحوالي ساعة عن عودة انتظام الحركة في الخط الأول بكامل طاقته في كل المحطات وإصلاح العطل. وأكدت الشركة إنه تم الدفع بعدد من القطارات الفارغة من الركاب لامتصاص الزحام بالمحطات .
بيان صادر عن الشركة المصرية لإدارة وتشغيل المترو:
عاجل
مترو الأنفاق : عودة وإنتظام حركة القطارات بالخط الأول بالكامل من…Posted by رئاسة مجلس الوزراء المصري on Sunday, September 12, 2021
وأثناء الأزمة، كان في تنظيم وشفافية من إدارة المترو، للناس اللي واجهت المشكلة، وأثناء بيع التذاكر، تم التنويه من الموظفين للركاب بوجود مشكلة وعطل وسؤالهم عن الوجهة الخاصة بيهم لمساعدتهم، ولعدم شراء تذاكر وإهدار أموال بدون داعي، كمان علشان الناس تعرف تتصرف ماتتحطش في تكدس وازدحام في محطة وبعدها يكتشفوا وجود تعطل في حركة القطارات، والتنظيم ده ساهم بشكل كبير في حل الأزمة بشكل أحسن.