فاز النجم الكوميدي محمد عبد الرحمن بجائزة أحسن ممثل كوميدي عن دوره في فيلم “الخطة العايمة” في مهرجان نجم العرب، وإيرادات الفيلم ده وصلت لـ 10 مليون جنيه مصري، واللي يعتبر حاجة كبيرة بالنسبة لظروف وباء “كورونا” اللي عايشينها.. ومهرجان نجم العرب هو المهرجان السنوي لمجلة What Happens، وبيكرم النجوم بتصويت الجمهور الخليجي والعربي ما عدا الجمهور المصري علشان يكرموا كل فنان يستحق التكريم بتحقيقه لنجاح برا مصر وعلى مستوى الوطن العربي.
والنجم محمد عبد الرحمن يعتبر من أكبر وأهم نجوم الكوميديا حاليًا، وهو بدأ مسيرته من مسرح مصر، وحقق نجاح كبير في السينما والتليفزيون المصري، وكسب مؤخرًا جائزة أحسن مسلسل أونلاين باستفتاء وشوشة على مسلسل “الشركة الألمانية لمكافحة الخوارق”.. فتعالوا نفتكر مع بعض أكتر المشاهد اللي ضحكنا فيهم مع الفنان الجميل محمد عبد الرحمن.