سهل جدًا في حياتنا المعاصرة تحس إنك مخنوق ومغلوب على أمرك من روتين الشغل اليومي، وضغوطات الحياة، والأهم من كل ده زحمة المدينة الخانقة. أول ما تحس إنك ابتديت تفقد صوابك بسبب كل الضغوطات دي ومحتاج شوية سلام نفسي وهدوء لأكتر من 5 ثواني، إذن يا صديقي انت على حافة الانهيار العقلي ومحتاج اجازة! بس ليه تروح نفس أماكن الاجازة بتاعة كل الناس لما دا هيبقى نسخة ممتدة من الحياة اللي انت عايشها في المدينة بس بشكل مختلف.
مصر عندها مجموعة من أكتر الأماكن هدوءًا وراحة واللي تقدر تبعدك تمامًا عن مشاكل وزحمة المدينة. انزل تحت وهتشوف مجموعة من أجمل الإيكولودجز اللي هتخليك تفصل تمامًا عن مشاكلك زي ما انت محتاج. وزيادة على كده كمان الفنادق الصغيرة دي صديقة للبيئة في دولة محتاجة دا بشدة فانت هتبقى بتُسدي خدمة للبيئة كمان مش بس لنفسك.
زوارة إيكولودج
بيقع في الفيوم، فندق زوارة للاستجمام هو المكان اللي بتروحه علشان تستمتع باجازة حقيقية. بصراحة، مش أي حد يقدر يستحمل يعيش من غير الكمبيوتر والتليفزيون لأيام، بس الطريقة دي في السفر بالتأكيد بتهدّي عقلك وتريحه، وبتخليك تتواصل مع البيئة في أحسن شكل ممكن.
الكرم إيكولودج
الفندق الصغير دا هو واحد من أجمل الأماكن المريحة للأعصاب في منطقة سانت كاترين بجنوب سيناء. هو مكان مملوك للبدو تم بناؤه بتمويل من الاتحاد الأوروبي وتحت رعاية وإشراف محمية سانت كاترين. تم بناء فندق الكرم على مبادئ البساطة والحفاظ على البيئة مما يعني عدم استخدام الكهرباء مثلًا – بس المكان فيه سخانات تعمل بالطاقة الشمسية وبالتالي مياه ساخنة وحمامات معقمة ومطبخ وأماكن للعشاء، لازم تجرب تروح المكان دا.
“Adrère Amellal”
المكان دا بالرغم من إنه غالي بس هو يستحق تجرب تجيله ولو مرة على الأقل؛ لازم تحطه على قائمة أمنياتك وهقولك السبب! في الحقيقة هو المكان المفضل للعديد من المشاهير ومنهم أعضاء البيت الملكي في بريطانيا!! “Adrè Amellal” مش مكان محجوز للمشاهير والملوك بس عمومًا، لأنه بيكون الاختيار الأول للمصريين والأجانب على السواء.
منتجع الطرفة الصحراوي
مكانه في الواحات الداخلة، هو بعيد عن كل حاجة بس فخم وبيوفر سلام نفسي غير مسبوق بالإضافة إلى العزلة والهدوء الشديدين ودي حاجات كلها روحك أكيد متلهفة ليها. المكان فيه رمال وبحر وخدمة وأكل ممتازين.
منتجع الحمرا إيكولودج
هو مكان صغير لكنه ممتاز لو بتدور على تصفية ذهنك من غير ما تصرف فلوس أو وقت كتير بزيادة. مكانه في وادي النطرون والجميل إنك تقدر تقضي فيه يوم كامل من غير ما تبات بالليل. هناك هتقدر تستمتع بالطبيعة الخلابة والهواء النظيف، وأفضل ما في الموضوع هو إنك هتقدر كمان تنزل في حمام السباحة هناك واللي بيديك انتعاشة حقيقية بالذات في وقت الصيف.