في حادثة من حوادث الفساد اللي بنشوفها بسبب انعدام الضمير والإنسانية واستهتار بأرواح الناس بس علشان يحققوا مكاسب خرافية على حساب أرواح الناس، تم ضبط مطعم روستو المشهور وتشميعه بمساعدة مديرية الطب البيطري بعد ما لقوا فيه 450 كجم من لحوم ودواجن غير صالحة للاستخدام الأدمي.
المظبوطات كانت عبارة عن 375 كجم شاورما لحوم وحوالي 75 كجم دهون حيوانية وكلهم اتغيرت فيهم الخواص الطبيعية اللي المفروض تبقى موجودة في اللحمة، ده غير رائحتها الكريهة وده بعد قيام اللجنة بفحص اللحمة المظبوطة.
وأكيد حق الرد والدفاع مكفول لأي حد موضع اتهام، وده اللي حصل بعد ما طلع المطعم بيان على صفحته على الفيس بوك وقال: نعتذر عن اللبس الحاصل بخصوص فرع المهندسين واللي حصل كان عبارة عن كشف روتيني ودوري وبيتم أخد العينات للمعمل علشان تتحلل، ولكن في لحظة دخول اللجنة كانت اللحمة اللي موجودة في مرحلة التحضير وعلشان كده ماكانش عليها أي بيانات وطبقًا للقانون لهم الحق إنهم يصادروها”.
زبائننا الأعزاء …
نعتذر عن اللبس الحاصل بخصوص فرع المهندسين ,الحدث الذي تم هو : عبارة عن كشف روتيني و دوري و أخذ…Posted by Rosto Restaurant مطعم روستو on Sunday, December 26, 2021
وتابع البيان “بالنسبة للصور المنتشرة للحوم فهي صور طبيعية جدًا، لإنها عبارة عن شرائح لحم صافي متبلة بالبهارات والصوص، وأكيد البهارات هتضيف عليها لون” واستعانوا بفيديو لشيف شهير وهو بيوضح الفرق بين اللحمة قبل التتبيل أو بعد التتبيل. لسه الموضوع قيد التحقيق والنيابة ماقالتش كلمتها النهائية، ونتمنى الفاسد واللي غلط يتعاقب.