أعلنت ناشيونال جيوجرافيك أبوظبي وتحت رعاية مؤسسة أبوظبي للإعلام عن بدء التقديم في مسابقة “لحظات” في نسختها العاشرة واللي بتعتبر من أكبر الجوائز من نوعها في الشرق الأوسط وشمال أفريقيا، ودعت كل المصورين الموهوبين في الشرق الأوسط للتقديم في المسابقة.
المسابقة بدأت يوم ١٧ أغسطس وأخر يوم لتقديم الصور هيكون يوم ١٥ أكتوبر والمتقدمين للجائزة هيقدموا ١٠ صور.
وفي تصريح لناشيونال جيوجرافيك أبو ظبي وضح القايمين على “لحظات” بإن الصور مش لازم تكون متصورة بكاميرا ممكن بموبايل وإن شعار الجائزة السنة دي هو “لحظات ٢٠٢٠”. وهدف الجائزة في نسختها العاشرة هو توثيق كل حاجة العالم شافها السنة دي من ظروف وأحداث استثنائية والمطلوب إن كل صورة تكون بتوثق حدث معين أو لحظة معينة في عالمنا العربي.. ببساطة الجائزة بتطلب من كل مصور يورينا إبداعاته من خلال عدسته.
من ساعت تدشينها من 10 سنين وهدف المسابقة كان وما يزال تعزيز ورعاية مواهب التصوير المحلية في وطننا العربي. واستقبلت المسابقة أكثر من ٢٥٠.٠٠٠ مشاركة في منطقة الشرق الأوسط وشمال إفريقيا. الجائزة فيها أكثر من فئة زي: الجائزة الرئيسية، جائزة فئة الشباب، جائزة الصور الوثائقية، وجائزة من اختيار الناس.
هتضم لجنة تحكيم مسابقة 2020 محمد محيسن، الحائز على جائزة بوليتزر مرتين ومصور ناشيونال جيوغرافيك، وحسام عبد القادر من شركة المراعي الشركة الراعية للجائزة. والتقديم للجائزة مش مقتصر بس على الدول العربية فهو متاح برضه لدول زي: أريتريا وتشاد.
وممكن تعرف تفاصيل اتر عن التقديم للجائزة من خلال اللينك ده.
ودي مجموعة من الصور الفائزة في النسخ السابقة:
