بعد ما قفلت كل حساباتها على مواقع التواصل الاجتماعي لمدة ١٠ شهور، بدايةً من شهر كتوبر ٢٠١٩ بسبب المشاكل اللي كانت بتتعرضلها بسبب تصريحاتها، عادت النجمة شيرين عبد الوهاب من جديد لحسابها على تويتر وأعلنت تحضيرها لألبوم جديد، وإنها مرتاحة اكتر وهي بعيدة عن السوشيال ميديا.
وتغريدتها دي جت بعد انتشار هاشتاج #رجعي_حساباتك_شيرين اللي أطلقة جمهور شيرين عشان يطالبوها بالرجوع والتفاعل تاني مع السوشيال ميديا زي زمان.
ورد فعل على تويتر سواء من المعجبين أو من فنانين كبار زي النجمة منة شلبي كان إيجابي جدًا، ومن تعليقاتهم:
قراءة المزيد
شيرين عبدالوهاب من أجمل وأنقى الأصوات الموجودة في ساحة الغناء العربية، وليها محبيها في كل بلاد العالم، واللي كان غيابها عنهم سايب فراغ كبير، دلوقتي الفنانة رجعت على تويتر، بس تفتكروا هنشوفها على إنستجرام وفيسبوك قريب؟