ناس كتير بتعتبر السلطة طبق رئيسي أهم من اللحمة والفراخ، مش بس للناس اللي متبعة نظام غذائي، لأ دي بقت شيء أساسي في كل وجبة. وده لأهميتها وتأثيرها الكبير على صحة الجسم، لإنك تقدر ببساطة تحط فيها مكونات كتير وتكون طازة وبعيدة عن أي دهون ممكن تبقى في الأكل العادي، ده غير إنها سهلة في التحضير ومش بتاخد وقت. وللسبب ده جبنالكم وصفات مختلفة للسلطة تجدد فيهم علشان ماتحسش بزهق.
سلطة الخضار المشوي
المقادير
- بتنجانة كبيرة.
- 4 طماطم.
- 1 فلفل أخضر.
- 1 فلفل أصفر.
- 1 فلفل أحمر.
- رأس ثوم.
- 1 معلقة صغيرة ملح.
- 2 معلقة صغيرة زعتر.
- ¼ ملعقة صغيرة فلفل أسود.
- 5 معلقة كبيرة زيت زيتون.
الطريقة
- بنغسل البتنجان كويس، وبنقطعه شرائح، من غير ما يتقشر.
- بنشوي الطماطم والفلفل والبتنجان والثوم والبصل في الفرن على درجة حرارة متوسطة لمدة 5 دقائق.
- بنخرج الخضار من الفرن، وبنغطيه بورق نايلون لحد ما يبرد.
- بنقشر البصل والثوم، ويتقطع قطع متوسطة الحجم.
- بنقطع البتنجان والطماطم.
- بنحط زيت الزيتون والملح والفلفل الأسود والزعتر ونقلب كويس.
- بنحط الدريسنج على الخضار وبنقلب كويس.
سلطة الكوسة بالزبادي
تعتبر من الوصفات الخفيفة على المعدة وفي نفس الوقت سهلة ومفيدة، والمقادير كالأتي:
المقادير
- 4 كوسات متقطعة شرائح.
- كوباية زبادي.
- ربع كوباية طحينة.
- ربع كوباية عصير ليمون.
- 3 فصوص ثوم مهروس.
- 1 معلقة كبيرة نعناع طازة ومفروم.
- 1 معلقة كبيرة بقدونس مفروم.
- رشة نعناع مجفف.
- ملح.
- كمون.
- زيت.
الطريقة
- بنحط الزيت في طاسة على النار لحد ما يسخن.
- بنقلي شرائح الكوسة في الزيت لحد ماتاخد اللون الذهبي.
- بنرفعها على ورق مطبخ علشان نتخلص من الزيت الزائد.
- بنحط الزبادي في بولة، وعليه الطحينة وعصير الليمون والثوم والنعناع والبقدونس، مع التقليب.
- بنتبل خليط الزبادي بالملح والكمون والنعناع.
- بنوزع شرائح الكوسة في الطبق، وفوقها خليط الزبادي.
- وممكن يتقدم بارد مع كفتة مشوية كطبق جانبي.
سلطة البتنجان والبطاطس
المقادير
- البتنجان: 2 حبة (متوسط الحجم/مقطع بشكل طولي ودوائر ومقلي)
- البطاطس: 1 حبة (كبيرة الحجم/مسلوقة ومتقطعة مكعبات صغيرة)
- خس: كوبايتين (مفروم خشن)
- ملح: نصف ملعقة صغيرة.
- الطحينة: 3 ملاعق كبيرة.
- لبن زبادي: 2 ملعقة كبيرة.
- الثوم: فص (مهروس ناعم).
- عصير الليمون: ملعقة كبيرة.
الطريقة
- بنرتب الخس في طبق.
- بنضيف البتنجان المقلي والبطاطس للطبق.
- بنخلط الطحينة مع اللبن والزبادي وعصير الليمون والملح والثوم كويس.
- بنوزع الخليط فوق السلطة وبنقدمها.
سلطة الأفوكادو بالبروكلي والبيض
للتتبيلة
- الخردل: ملعقة صغيرة.
- خل التفاح: 2 ملعقة كبيرة.
- زيت الزيتون: 3 ملاعق كبيرة.
- ملح: حسب الرغبة.
- فلفل أسود: حسب الرغبة.
المقادير
- البروكلي: 2 رأس.
- مكعبات الثلج: كمية منهم.
- الأفوكادو: 2 حبة (طازة)
- عصير الليمون: حبة واحدة.
- البيض: 4 حبات (مسلوق)
- الثوم: فص.
الطريقة
- بنغسل البروكلي بمياه باردة، وبعدين بيتقطع لقطع صغيرة وبنحطه في طبق فيه مكعبات الثلج.
- بنغسل الخيار وبنقطعه صغير.
- بنقسم كل ثمرة من الأفوكادو لنصين، وبتتقطع لقطع صغيرة. وبعدها بنعصر الليمون على أنصاف الأفوكادو.
- كل حبة من البيض المسلوق بتتقسم لأرباع.
- بنفرم الثوم.
- وبنجهز التتبيلة عن طريق خلط الخردل والخل مع بعض، وبعدها زيت الزيتون، مع التقليب. والملح والفلفل.
سلطة الروبيان بالمانجا
المقادير
- الروبيان: 340 جرام (مقشر)
- زيت الزيتون: ملعقة صغيرة.
- ملح: حسب الرغبة.
- فلفل أسود: حسب الرغبة.
- عصير الليمون: ملعقة كبيرة.
- مانجا: واحدة متقشرة ومقطعة لشرائح.
- الأفوكادو: 1 حبة (متوسط الحجم/مقشر ومنزوع النواة ومقطّع لشرائح).
- البصل الأحمر: 1 حبة (صغيرة /مفروم ناعم).
- الثوم: 3 فصوص (مفروم فرمًا ناعمًا).
- كزبرة خضراء: 2 ملعقة كبيرة (طازة ومفرومة).
- عصير الليمون: 3 ملاعق كبيرة.
- خس: 4 أكواب (مفروم).
الطريقة
- بنحط الروبيان في طاسة، مع الزيت والملح والفلفل. وبنقلب المكونات.
- بنسخن طاسة على النار، بنحط الروبيان المتبل، وبنسيبه لحد مايستوي. بنصب عصير الليمون عليه.
- وفي طبق التقديم بنضيف: المانجا والأفوكادو والبصل والثوم والكزبرة. وبنخلط المكونات وبنحفظها في التلاجة لعشرين دقيقة، وبعدها بتتقدم.