في مناسبات كتير، بتبقى أحلى هدية ممكن نهادي بيها اللي بنحبهم أو نفسنا، بوكيه ورد جميل كده، يفضل يديلنا طاقة إيجابية طول ما هو قدامنا بشكله الاستثنائي وريحته اللي أحلى من أغلى برفان عندنا! بس ساعات بيكون شكل البوكيهات تقليدي، وبنبقى عايزين نكتشف أماكن جديدة نقدر نجيب منها أشكال وأنواع مختلفة من الورد المفضل بالنسبة لينا.. وبما إن في مناسبات كتير جاية في الطريق أولهم الفلانتين اللي كمان كام يوم، فدول بعض محلات الورد اللي أكيد هتلاقي فيهم اللي انت بتدور عليه من أنواع مختلفة وأفكار جديدة لبوكيهات ورد اللي تليق بيك وبالناس اللي بتحبهم.
Box of Roses
نشأ محل Box Of Roses سنة 2015، ومن وقتها وهو غير مفهوم الناس عن بوكيه الورد التقليدي، فمن الاسم، تقدر تتوقع إنه بيستخدم صناديق مختلفة ومميزة علشان يكملوا بيها شكل البوكيه الراقي والمختلف.. المكان موجود في شارع الحرية بهليوبوليس، أما بالنسبة للأسعار ممكن تكون غالية شوية عن بقية المحلات، بس فعلًا تمنها فيها زيّ ما بيقولوا!
The Florist Gift
تقدر تنقي من أشكال كتيرة ومختلفة من الورد وكمان طريقة التغليف من the florist gift وتقدر تتواصل معاهم من خلال بعت رسالة على حسابهم بانستجرام.
Petals and Leaves
المحل موجود بمدينة الشروق وتقدر تـ customize شكل ونوع البوكيه اللي انت عايزه وعندهم كمان تشكيلة كبيرة من أفكار جديدة تقدر تنقي منها.
Joie De Vivre
من الأماكن المعروفة جدًا اللي بيقدم أشكال كتير من البوكيهات المختلفة والمحل ليه فرعين واحد موجود بالزمالك والتاني في 6 أكتوبر.
Awan El Ward
هتلاقي كل الألوان والأفكار الجميلة عند محل أوان الورد وممكن تتواصل معاهم عن طريق صفحتهم على الفيسبوك أو بإرسال رسالة على انستجرام.
Flower Power
من الأماكن اللي هتلاقي فيها وردك المفضل اللي ألوانها مبهجة وسعيدة! وكمان بيجهز ورد للعرايس وليهم أكتر من فرع منهم في التجمع والمهندسين والشيخ زايد.
Keni
من المحلات اللي فعلًا مبهرة من حيث التنوع في الأنواع وأشكال البوكيهات اللي بيدخلوا معاها شوكلاتة علشان حلاوة الهدية تضاعف!
Rose & Berry
اللي بيميز المحل ده عن غيره هو إن بوكيهات الورد بيبقى جزء كبير منها مخصص للشوكولاتة، وطريقة عمل أوردر بيبقى من خلال إرسال رسالة لحسابهم على إنستجرام.
Rolls Rose
بيغلف المحل ده الورود في قوالب وأشكال مختلفة إما بوكيه عادي أو في صناديق بأشكال مختلفة، والمحل أونلاين بس وبيوصلو لمناطق القاهرة والجيزة.
Fleurie
المحل مخصص لورد العرايس وبيوفر أشكال كتير و”modern” من البوكيهات المختلفة والمكان موجود في مدينة نصر فتقدر تروح هناك أو تتواصل معاهم من خلال موقعهم الإلكتروني، الفيسبوك، أو الانستجرام.
Daisy Flower
المحل موجود في شارع التسعين بالتجمع الخامس، وبيقدم بوكيهات راقية بتغليف مختلف، وليهم موقع إلكتروني وكمان حساب على انستجرام وفيسبوك تقدر تتواصل معاهم من خلاله.
Hope Flowers
المحل موجود في مصر الجديدة، وبيقدم أشكال كتير من البوكيهات اللي تقدر تختار منهم.
Flowers by Majd
عندك 13 محل تقدر تنقي منهم اللي يناسبك من حيث الشكل والأسعار، علشان يبقى عندك في المناسبات اللي جاية أفكار وأماكن تروحها وتجيب منها اللي تحبوا من غير ما تتعب في البحث والتفكير كتير.. وأفتكر إنك حتى لو جيبت وردة واحدة، فده أكيد هيعني الكتير للشخص، لإنها مش بشكل البوكيه ولا بعدد الورود، ولكن صدق النية والإخلاص في محاولتك لإسعاد غيرك هو المهم!