طبعًا زينة الكريسماس في كل مكان والموسيقى بتاعتها بترن في ودننا طول الوقت.. أحلى يوم في السنة جيه! وعلشان ميبقاش جو الكريسماس مش بس في الشوارع ولكن في بيوتنا كمان، لازم نجيب شوية وصفات لطبيخ بعض الكوكيز بنكهات مختلفة، علشان نحس حرفيًا بطعم الكريسماس الحقيقي! فلو حابيين تقضوا شوية وقت في المطبخ لعمل بعض أنواع الكوكيز بنكهات مختلفة وبأشكال زينة الكريسماس، إحنا هنقولكم على بعض الوصفات اللي هتسهل عليكم وقت العمايل والتحضير.
كوكيز بفروستينج
للمقادير فبنحتاج زبدة طرية، وسكر، وبيض، وفانيليا، ودقيق، وبيكنج بودر، وبالنسبة للفروستينج فبنجيب سكر بودرة ومياه، وبالنسبة لطريقة التحضير فبتكون:
- في إناء غويط بنحط السكر والزبدة وبنقلبهم كويس مع بعض لحد ما تاخد شكل كريمي.
- بالتدريج بنضيف البيض والفانيليا مع استمرار التقليب.
- بنخلط الدقيق مع البيكنج بودر، وبيضاف للخليط بالتدريج مع التقليب المستمر.
- بنحط العجينة في التلاجة لمدة متقلش عن نص ساعة.
- بنجيب العجين وبنفردها على ورق الخبز وبنحط عليها ورقة تانية وبنبدأ بتشكيلها باستخدام قطاعة الكوكيز.
- بنرص العجينة في الصينية وتوضع في الفرن على درجة حرارة 170 درجة مئوية لمدة 10 دقائق.
- بعدها ممكن نبدأ نزين الكوكيز بالـ “sprinkles” بتاعتها على الوش، وبعدين بنحطها في التلاجة لحد ما تجمد.
*طريقة تحضير الرويال أيسينج
بنخلط بياض البيض مع بعض من السكر البودرة وبنضيف قليل من اللون الأخضر وبنقلبوا كويس وبعدين بنفردها على كوكيز الكريسماس.
كوكيز الزنجبيل للكريسماس
لمكونات الكوكيز هنحتاج دقيق، وسكر، وزبدة، وبيض، ومعلقة كبيرة بيكينج باودر، ومعلقة كبيرة زنجبيل طازج مفروم، معلقتين كبار زنجبيل بودرة، وفانيليا، وعسل أسود، وملح.. وللتحضيرات:
- بنسخن الفرن على درجة حرارة 180 مئوية، وبندهن الصينية بالزبدة.
- بنحط الدقيق في طبق غويط، ويضاف إليه البيكينج باودر والزنجبيل البودرة، ونقلبه كويس.
- توضع الزبدة في المضرب الكهربائي، وبيضاف إليها السكر، وتضرب جيدًا حتى يذوب السكر وتصبح كريمية القوام.
- تضاف البيض واحدة ورا التانية مع التقليب المستمر، بعديها بنضيف الفانيليا.
- يضاف الزنجبيل الطازج وخليط الدقيق، وتقلب جميع المكونات لحد ما تتجانس.
- بنفرد العجينة على سطح نظيف، وبنقطع بقطاعة الكوكيز بأشكال رأس السنة أو زينة الكريسماس.
- بنرص العجينة في الصينية، وتدخل الفرن لمدة 15 دقيقة لحد ما يتحول لون العجينة للذهبي.
- بنخرجه من الفرن، ونسيبه يبرد تمامًا وبعدين بنزينهم بحلوى الماء أو المربى وحلوى الفورماسيل.
كوكيز الكريسماس بالمربى
بنحتاج في المكونات دقيق، وزبدة، وسكر، وبيض، ولبن، وقرفة، وزنجبيل بودرة وقرنفل مطحون، وكوباية مربى مشمش.. ولطريقة التحضير:
- في طبق غويط، بنخلط المكونات مع بعضها ماعدا المربى وبنعجنهم كويس علشان تكون عجينة ناعمة وبعدين بنحطها في الثلاجة لمدة 30 دقيقة.
- بعدين بنقطعها بواسطة قوالب التقطيع بأشكال الكريسماس مختلفة وبعدين بنوزعها في الصينية.
- تخبز الصينية في الفرن على حرارة 170 درجة مئوية لمدة 10 و12 دقيقة.
- تخرج الصينية من الفرن ويدهن البسكويت الكوكيز بالمربى بالفرشة، وبنزيينها بحبوب الملونة للحلويات.