9 من أهم مطاعم الأكل المصري اللي هتلاقيها في القاهرة

سفرة مليانة أكل مصري

لو مصري ونفسك تاكل حاجة حِرشة أو أكلة مصري على أبوه، أو لو كنت مش مصري وعايز تجرب المطبخ المصري في ألذ وأحلى وأطعم أشكاله، جبنالك 9 من اهم المطاعم اللي بتقدم أكلات مصرية داخل القاهرة، وكل مطعم بعناوين الفروع بتاعته، ولو مش عايز تخبط مشوار لحد أي مطعم فيهم جبنالك قائمة الطعام بتاعة كل مطعم وأرقام التوصيل علشان يجيلك الأكل لحد عندك.

مطعم البرنس: قصة نجاح بدأت بعربية كبدة

مطاعم أكل مصري
من أمام مطعم البرنس، عن: Cairo360

قدر ناصر البرنس يعمل أسم لأهم مطعم كبدة وطواجن في مصر، فـبدأ بعربية كبدة صغيرة في حي إمبابة في القاهرة، وبعد سنين اتحولت العربية الصغيرة لمحل في نفس المنطقة، ومرت السنين لحد ما بقى للمطعم فروع في السعودية والإمارات والكويت وعمان وقطر.

رغم إن كبدة البرنس ليها قيمتها وشهرتها بين محبيين الأكل المصري إلا إن المطعم مالوش غير فرع واحد في القاهرة وهو فرع إمبابة اللي موجود فى شارع طلعت حرب قدام إسعاف إمبابة، بس تقدر تطلب من قائمة البرنس لأي مكان في القاهرة.

صبحي كابر: مطعم كبدة وطواجن بدأ من الصفر

عن: blogspot

زيّ البرنس بدأ صبحي كابر بعربية كبدة في حي روض الفرج في القاهرة واتحولت العربية لمحل صغير، وبعد كام سنة قدر يعمل لنفسه أسم وسط مطاعم كتير شبهة فـكبر المحل وبقى اسمه على كل لسان بسبب أكله الحلو وأسعاره اللي بتناسب كل الطبقات.

عنوان الفرع الجديد هو 151 شارع عبيد أبراج الصفوة قدام شركة الكهرباء بجوار كوبري الساحل في شبرا مصر، القاهرة؛ قريب من مطعم الدهان.

بيوفر صبحي كابر توصيل لكل مكان في القاهرة والجيزة والمدن اللي حوليهم، وتقدر تكلم الفرع الرئيسي على رقم 16640 علشان يوصل لك في أي مكان في القاهرة أو الجيزة.

حواوشي الربيع: أصل الحواوشي

عن: ytimg

الربيع مشهور أوي بالحواوشي لكنه بيقدم أطباق تانية جامدة زيّ الكبدة والسجق والاستيك والطواجن، وغيرها. العنوان: 20 شارع 17 متفرع من شارع الوحدة، قدام كنتاكي في امبابة الجيزة.

قائمة طعام حواوشي الربيع، عن: Facebook

وتقدر تكلمه للديليفري في أي مكان في القاهرة والجيزة على رقم تليفون : 0233127413 / 01007273768 أو واتس اب: 01114444130 / 01091614668.

الشيف صابر: خدمة ممتازة 24 ساعة

الشيف صابر مطعم بيقدم مشويات وطواجن وأكل شرقي بأنواع كتير جدًا وسي فوود كمان، وبيوفر خدمة تجهيز الأفراح والمناسبات، تقدر تكلمه للتوصيل على رقم: 15784.

عن: lelsyaha

بيوصل الشيف صابر لكل مكان في القاهرة والجيزة 24 ساعة في اليوم، وعنده فرعين واحد في الدقي: 1 شارع وزارة الزراعة قدام سنترال الدقي، والتاني في العجوزة: 60 سور نادي الترسانة.

نعمة: أحلى أكل شعبي

عن: twimg

مطعم بيقدم أكل مصري شعبي، ويعتبر واحد من أقدم المطاعم الشعبية المصرية حيث تأسس فى سنة 1968، وبيقدم اصناف أكل شعبي كتير زيّ الفول والطعمية والبطاطس والبيض والشاورما.

قائمة طعام نعمة، عن: fbcdn

عنده فرع واحد في العجوزة: 172 شارع النيل قدام مستشفي الشرطة. وتقدر تتطلب منه التوصيل من خلال رقم: 023365555، أو على الخط الساخن للتوصيل 023365555 / والواتس اب: 01551030016.

بجة: مسمط وفواكه لحوم

عن: ytimg

ما بين كبدة ومخ وطواجن وعكاوي وكوارع وممبار ومشكل وفتة وسجق ونخاع ولحمة راس بيقدم بجة أصناف مختلفة من الأكل المصري الأصيل، ولو كنت بتحب أكل المسمط وفواكه اللحوم يبقى لازم تجرب بجة.

عن: menuegypt

مطعم بجة له فرع واحد في عابدين، وعنوانه : 40 شارع محمد فريد عند تقاطع شارع الشيخ ريحان، وهتلاقيه قدام مسجد عماد الدين في عابدين القاهرة. والتوصيل على رقم 01000513013 اللي بيشتغل

بيبو: من المحلية للعالمية

بدأ مطعم صغير في وسط البلد وبقت له فروع في الدول العربية والأوروبية، بيقدم مجموعة طواجن عظيمة زيّ طاجن العكاوي وطاجن الموزة وطاجن كوارع وطاجن ملوخية سادة وطاجن بامية وطاجن فريك، ده غير المشويات طبعًا، وعنده طاجن اسمه طاجن بيبو ملوش حل.

العنوان: 91 ش جسر البحر في شبرا في الساحل، القاهرة، وتقدر تكلمه للتوصيل على الأرقام: 0224310646. 0224330329. 0224331315.

عز المنوفي: أحلى سندوتش كبدة

عن: ytimg

كان أول افتتاح للمطعم سنة 1976، وزيّ مطاعم أكل مصري كتير مشهورة بدأ بعربية كبدة صغيرة، وكانت بدايته فى شارع ايران فى الدقى، ومن السبعينات للنهارده بيقدم عز المنوفي أحلى سندوتشات الكبدة والسجق، وسندوتشات المربى والعسل والقشطة.

قائمة طعام عز المنوفي، عن: menu22

رغم إن قائمة عز المنوفي بسيطة إلا إن سندوتشاته ليها سمعتها في كل مكان وده اللي خلاه ناجح جدًا وليه فروع في كل مكان في القاهرة والجيزة والساحل الشمالي. وتقدر تطلب منه ديليفري على رقم: 16976.

آخر كلمة: ماتفوتوش قراءة: مين هي أبلة نظيرة صاحبة أول موسوعة للطبخ

تعليقات
Loading...
Tweet
Share
Share
Pin