أعلن الحساب الرسمي لمسابقة “tccandler” على انستجرام، عن قائمة أجمل وجوه في العالم، وبيتم ترشيح عدد من الوجوه من الفنانات والفنانين لاختيار قائمة أجمل 100 وجه لسنة 2020، والقائمة بتضم مجموعة من أشهر النجوم الأوروبيين والأتراك والعرب، وكمان الكوريين ونجوم بوليوود، والسنة دي الترشيحات تضمنت 8 مشاهير عرب مبيختلفش على جمالهم اتنين، مش فنانات بس، كمان فنانين شباب، منهم نجوم ترشحوا للقائمة أكتر من مرة والسنة دي مش أول سنة ليهم، فتعالوا نشوف مين هما.
ياسمين صبري
للسنة التالتة، الممثلة المصرية ياسمين صبري بتترشح ضمن قائمة أجمل 100 وجه في العالم لسنة 2020، واترشحت ياسمين للقائمة في سنة 2017 و2018.
هنا الزاهد
اترشحت الفنانة المصرية هنا الزاهد ضمن القائمة، شاركت جمهورها الخبر المفرح ده وعبرت عن سعادتها بالاختيار ده.
مينا مسعود
اترشح الممثل المصري الأصل مينا مسعود، للقائمة ضمن أجمل 100 وجه في العالم، مينا ممثل مصري الأصل لكنه عايش في كندا وشارك في أعمال عالمية.
محمد عساف
شارك المطرب الفلسطيني محمد عساف في ترشيحات قائمة أجمل 100 وجه في العالم، لأول مرة.
ليث أبو جودة
بيشارك المطرب الفلسطيني ليث أبو جودة في قائمة أجمل 100 وجه في العالم، واللي شارك أكتر من مرة، آخرهم سنة 2017 و2018 على التوالي.
ظافر العابدين
بيدخل الفنان التونسي ظافر العابدين قائمة المنافسة للمرة التانية ضمن أجمل 100 وجه في العالم.
هايدي موسى
واللي بتشارك للمرة التانية في قائمة أجمل 100 وجه، المرة الأولى كانت في سنة 2017.