27 حفلة غنائية وسهرة إسلامية في دار الأوبرا خلال شهر رمضان

نقدر نقول إن شهر رمضان السنة دي هيبقى دسم ومثمر بكل معنى الكلمة، من برامج دينية للمسلسلات التلفزيونية والإذاعية اللي هتضم نخبة من النجوم الكبار.. وعلشان يكون حرفيًا في كل أنواع الفن وكمان الروحانيات في الشهر ده، هتنظم دار الأوبرا المصرية حوالي 27 عرض لأمسيات غنائية وموسيقية وكمان إسلامية خلال الـ 30 يوم من شهر رمضان على مسارح الأوبرا المختلفة.

بالنسبة لعروض الليالي الرمضانية فكلها هتبدأ من الساعة 9 ونص بليل، وهتضم 10 حفلات على مسرح النافورة اللي هتقام عليه أمسيات الأوبرا لأول مرة في رمضان وهيحييها نجوم الغناء الكبار زيّ النجم محمد منير، ومدحت صالح، ونسمة عبد العزيز ، ومركز تنمية المواهب “عرض الليلة الكبيرة”، والموسيقات العسكرية، ودينا الوديدي، ونوران أبو طالب، والمنشد ياسين التهامي وغيرهم كتير.

#سهرات_رمضانية فى #دار_الأوبرا_المصرية #مسرح_النافورة #رمضان_كريم #كل_عام_وانتم_بخير

Posted by Cairo Opera House on Tuesday, April 6, 2021

أما السهرات الإسلامية فهيكونوا في المسرح الصغير وهتضم ملامح من التراث الموسيقي والغنائي. وكل العروض دي هتتزامن مع استمرار برنامج الموسم الفني للأوبرا من خلال 12 حفلة لفرقة عبد الحليم نويرة للموسيقى العربية، و 3 حفلات لمركز تنمية المواهب، وفرقة تراث سيد درويش، وحفل عيد القيامة لكورال أم النور، وحفلتين لفرقة الإنشاد الديني، أوركسترا الكونسرفتوار.

وقال الدكتور مجدي صابر رئيس دار الأوبرا، إن البرنامج هيتنفذ تحت إشراف الدكتور خالد داغر، وإن جميع العروض هتكون ميمزة وهتساعد على استشعار الروحانيات وتسمو بالمشاعر خلال الشهر المبارك.

آخر كلمة: ماتفوتوش قراءة: “ذكريات الكرنك: احتفالية دار الأوبرا المصرية لتكريم الفنان محمود رضا

تعليقات
Loading...
Tweet
Share
Share
Pin