10 مرات هنا شيحة ظهرت بإطلالة جميلة كانت أحلى منك
فيه حاجة غلط على السوشيال ميديا! ساعات بتخيل نفسي واحدة من المشاهير اللي قعدت شهور تجهز لطلوعها على السجادة الحمراء، وبعد كده بتُحبط من أشخاص مش بيمثلوا أي شيء في حياتها. الفنانة هنا شيحة كانت الضحية الأسبوع دا واحنا قررنا نعكس الهجوم.
الممثلة الشهيرة ظهرت في مهرجان الجونة السينمائي على السجادة الحمراء بفستان أنيق من تصميم المبدعة ملك العزاوي. الفنانة هنا شيحة تألقت على السجادة وفي خلال المهرجان لكن مجتمع الإنترنت قرر إنه يسخر من هيئتها ووزنها.
أغلب المنتقدين من السوشيال ميديا لاموا الفنانة على لبس فستان بالقصر دا بسبب وزنها. وعلى صفحات الفيسبوك اللي اتملت بكومنتات سخيفة كتير، ابتدى المسئولين عن الصفحات بعمل “بلوك” للأشخاص دول.
وفي نفس الوقت دا لكن في عالم موازي لينا، المغنية العالمية “Rihanna” بدأت عرض جديد لخط إنتاج الملابس الداخلية اللي بتملكه “SavageXFenty”. العرض نال إعجاب الكثيرين بسبب استخدامه لسيدات بتجمع كل أشكال الأجسام وأحجامها وألوانها كمان. العالم حاليًا بيحتفي وبيشجع حب الذات وتقبلها في حين إن البعض لسه بيعتقد إن عنده الحق يهاجم شخص آخر أو يحبطه لأن شكله أو هيئته مش عاجبينه.
الصور اللي جاية دي هي 10 مرات مختلفة هنا شيحة كانت أحلى بكتير من كل الكارهين.