بعد قرار فتح الفنادق في جمهورية مصر العربية بسعة 25% بشرط تطبيق مجموعة من الإجرائات الوقائية، كتير بدأ يتوقع عودة القطاع السياحي في مصر بالتدريج، وبالتالي ممكن نتوقع إن قريب هنسمع خبر فتح حركة الطيران في مصر.
في لقاء مع كبار المستثمرين في محافظة جنوب سيناء، أكد وزير السياحة والآثار خالد العناني بضرورة الاِلتزام بالضوابط دي عشان الحكومة تقدر تدي الفنادق شهادات سلامة صحية تمكنها من الاستمرار في استقبال الزوار. وحذر الوزير من أي مخالفة للتدابير الوقائية دي ووضح بإن أي تراخي أو تجاهل أو إهمال هيتم مقابلته بإجرائات قانونية شديدة. عدد 173 فندق قدم على الشهادات دي، وعشر فنادق في محافظتي البحر الأحمر وجنوب سيناء حصلوا عليها وبدأوا يجهزوا لاستقبال الزوار.
شركات الطيران حوالين العالم بتتعرض لضغوطات مش طبيعية، وكتير منها بدأ يدخل في مشاكل مالية كبيرة، لحسن الحظ الحكومة المصرية أعلنت بإنها هتمد شركة مصر للطيران بـ 2 مليار جنية مصري عشان الشركة متفلسش خلال فترة حظر الطيران، لكن الوضع ده مش هينفع يستمر.
وطبقًا لليوم السابع، مطارات كتير حوالين مصر بدأت تركب كاميرات حرارية عالية الدقة عشان تتعرف على مرضى كورونا استعدادًا لرجوع حركة السياحة والمطارات في مصر.