في مسلسل Moon Knight اللي بينتمي للمرحلة الرابعة من عالم مارفل السينمائي، هيشارك المونتير المصري أحمد حافظ في مونتاج المسلسل اللي كل جمهوره مستنيه، واللي كمان هيشارك في إخراجه محمد دياب، وده مش أول تعاون لمحمد دياب مع أحمد حافظ، اشتغلوا قبل كده في فيلم اشتباك وفيلم أميرة، و Moon Knight هيكون التعاون الثالث بينهم. وهيشارك أحمد حافظ في مونتاج الحلقة الثالثة والرابعة فيه. أحمد حافظ قدم أعمال كتير مهمة في مسيرته الفنية وتعتبر علامات في الفن، واحد منهم اتقال عنه في مهرجان عالمي إنه “مونتاج سريع وسلس كطلقات نارية“… تعالوا نعرف شارك في إيه.
الفيل الأزرق
ما وراء الطبيعة
جراند أوتيل
اشتباك
لا تطفئ الشمس
تراب الماس
العارف
هيبتا
ما بين مسلسلات وأفلام، المسيرة الفنية لحافظ على مدار 20 سنة كانت مليانة بالأعمال الفنية اللي اتحفرت في ذاكرة المشاهدين، وبمجرد ذكر اسمها هتلاقي تفاعل الجمهور معاها كبير، كمان مسيرته الفنية لحد دلوقتي تم تتويجها بـ 15 جائزة مختلفة محلية وعالمية على أعماله المختلفة ما بين المسلسلات والأفلام.