السعودية تطلق أول موقع للتعافي من “إدمان الإباحية”
في خطوة مختلفة بتعملها السعودية، أعلن سعود الحساني مدير برنامج “عفة” السعودي. عن إطلاق أول موقع بيساعد المواطنيين السعوديين علشان يتعافوا من إدمان المواقع الإباحية.
وكشف الحساني، عن إطلاق نماذج نفسية متخصصة علشان يتخلصوا من مشكلة الإباحية في المملكة، ومنها برنامج “الخطوات العشر” للتعافي الرباني في شهر رمضان اللي جاي. ومش بس كده، هما كمان بيخططوا علشان يطلقوا موقع مماثل له بس للعنصر النسائي وهيتم خلال شهور.
واتكلم الحساني خلال برنامج “يا هلا” وقال “إن الإباحية مشكلة بتأثر على قيم الإنسان وصحته النفسية وإنتاجيته وعطائه. وإن أضرار الإباحية لها جوانب تانية اجتماعية وصحية ونفسية ومجتمعية زيّ التحرش والعنف.”
وقال إن “إدمان المواقع الإباحية بقت ظاهرة عالمية”، “وإن 42 مليار زيارة كانت لواحد من المواقع الإباحية سنة 2019 وإن تلت محتوى الإنترنت هو إباحي.”
وقال: إن المدة الزمنية اللي بيحتاجها مدمن المواقع الإباحية للتعافي، بتعتمد على مدة مشاهدة المدمن ونوعية المشاهد وشدتها وطول فترة المشاهدة.
ومبادرة تحدي العفة السنوي بتعتبر نموذج منهجي للناس اللي عايزة تتخلص من مشكلة إدمان الإباحية. وبتتركز على 3 محاور: العلاج السلوكي المعرفي، والعلاج الروحي، وتوفير بيئة دعم آمنة. ومدة التحدي 100 يوم بدأت من 30/ 01/ 2022، وهتنتهي بنهاية يوم الاثنين 09/ 05/ 2022 مرورًا بشهر رمضان لحد عيد الفطر.