في مداخلة تليفونية يوم الجمعة اللي فات مع برنامج “مصر تستطيع” على قناة “DMC” أعلن وزير التعليم العالي الدكتور خالد عبدالغفار إن مصر استوردت عينات من عقار “أفيجان” الياباني من حوالي شهر، وإن في عينات أكتر هتوصل الأسبوع الجاي لبدء مرحلة التجارب السريرية لعلاج فيروس كورونا المستجد.
الوزير وضّح إن في مجهود بحثي مشترك بين القاهرة وطوكيو للقضاء على خطر الفيروس اللي لحد يومنا ده تخطت أرقام المصابين بيه المليون والنص.
عقار “أفيجان” هو مضاد فيروسات بيمنع عملية انقسام “كوفيد-19” جوا الجسم وبالتالي بيحد من انتشاره، وده بيدي الجهاز المناعي فرصة أحسن للقضاء عليه.
دكتور خالد عبدالغفار وضح برضه إن مصر حاليًا بتشتغل على تجارب على دواء المالاريا هيدروكسي كلوروكين اللي قدر يحقق نتائج علاجية إيجابية لما اتوصف لمرضى “كوفيد-19”.
مش بس كدا، التصريحات على “DMC” وحضت إن مصر في تواصل مع الصين عشان تستورد كميات كبيرة من المادة الخام المستخدمة في إنتاج “أفيجان” عشان تبدء عملية تصنيعه جوا البلد.