نقلًا عن جريدة الشروق، قال النائب محمد سليم وكيل اللجنة الدينية في مجلس الشيوخ المصري، إن في طبعات من المصحف الشريف فيها على الجوانب تذكيرات بتنتمي لفكر إرهابي ومتطرف، وإن هوامش بعض المصاحف فيها تفسيرات للآيات القرآنية “بما لا تتحمله”.
ووضح النائب محمد سليم إن “التفسير ممكن مايكونش منطبق على الآية القرآنية، أو ممكن يكون بيعتمد على أهواء ومعتقدات المفسر نفسه”، في إشارة إلى إن “التذكيرات دي حطها شيوخ مش مصريين، وإن بعض المواطنين بيجيبوا المصاحف دي من الخارج وهما راجعين من السفر، وده بيسبب وصول أفكار متطرفة لعقول المصريين”.
وأكد إن “الموضوع ده كان محل اهتمام من اللجنة اللي شافت إنه لازم يكون في إصدار من الأزهر الشريف لمصحف ورقي وإلكتروني، مزود بتفسير مختصر على هوامش الصفحات يوجه الناس للأفكار الصحيحة والمنضبطة”، وأكد على إن “الإسلام هو دين الوسطية، وإن كل الأفكار اللي بتطلع في إطار غير وسطي هي أفكار مرفوضة شكلًا وموضوعًا”.
وكانت اللجنة الدينية في مجلس الشيوخ ناقشت الاقتراح اللي اتقدم من النائب يوسف السيد عامر رئيس اللجنة، بشأن إعداد تفسير جامع يكون هدفه هو تقديم القرآن بأسلوب عصري يعبر عن وسطية الإسلام واعتداله، وده علشان نواجه التطرف.