بالصور: أمل جديد للحيوانات البرية في لبنان

في مركز التعرف على الحياة البرية على حواف مدينة عاليه الجبلية في لبنان، هتقدروا تلاقوا أنواع في غاية الندرة من الكائنات البرية اللي تم انقاذها وبيتم معالجتها، من الضباع والبوم للغزلان والذئاب، وبالإضافة لده هتلاقوا فريق عمل شغوف بالهدف ده وبيعمل بلا كلل على رفع الوعي كل يوم عشان نقدر نخلق مستقبل في لبنان فيه مكان للكائنات الجميلة دي.

عالم الثديات ومؤسس المركز الدكتور منير أبي سعيد بدأ الرحلة دي في عام 1993 في باحة بيته الخلفية اللي كانت مساحتها في الوقت ده حوالي 300 متر مربع، وبعد ما قدر يقدم دور كانت الدولة في أشد احتياج ليه، قرر المجلس المحلي لمدينة عاليه منحه أرض جديدة بمساحة 2100 متر مربع يقدر يأسس عليها المركز بشكل أكبر.

في الفترة من مايو 1993 لـ 1997، نظم فريق العمل مئات من اللقاءات التعليمية مع أكتر من 25 ألف طالب، وعدد كبير من المدرسين من المدارس في جميع أنحاء لبنان والمنطقة للتعرف على الحيوانات وسلوكياتها وأهمية حمايتها.

المركز كمان بيوفر جولات تعريفية للحيوانات الموجودة فيه واللي من أهمها الدب البني السوري اللي انقرض في برية لبنان والذئب العربي اللي أعداده في انخفاض شديد.

مركز التعرف على الحياة البرية بيحاول يكبر جيل واعي لأهمية الحياة البرية وشدة ارتباطها بالإنسان وحياته، وإن إزاي أي خلل بيئي بينتج عن انقراض نوع ممكن يكون ليه تبعات كارثية على البشر، وبالتالي فمن الواجب علينا كلنا حماية الحيوانات دي وتوفير حياة ليهم في بيئتهم الطبيعية.

• 

• 

• 

• 

• 

آخر كلمة: متفوتوش قراءة: بالصور: سحر وجمال بحيرة الملح في سيوة تخليها أكتر مكان متحمس إنك تسافرله.