“من النهارده أنا الراب”: محمد هنيدي يفاجئ الكل بأسرع فلو في تاريخ مصر والعالم

من بيف محمد رمضان وأحمد الفيشاوي على مين نمبر وان، لإشاعات عودة مروان بابلو المنتظرة للمجال، ساحة الراب دايمًا فيها مشاغل، لكن إمبارح وبعد نزول إعلان مولتو ماجنم الجديد، كل ده إتنسى بفلو واحد من محمد هنيدي.

في الجزء التاني من إعلان “باظظ خالص” اللي غناه ماجد الكدواني وأحمد مالك وروبي لتقديم منتج إيديتا الجديد “مولتو ماجنم”، وقع اختيار الشركة على الفنان الكوميدي متعدد المواهب محمد هنيدي، اللي قدر بخفة دمه وبقوة أدائه إنه يعلي على الضجة اللي عملها الجزء الأول من الإعلان ويركب الترند.

وفي مجموعة من التصريحات الجدلية اللي أكيد هيطلع منها عدد لا بأس به من البيفس المحلية والعالمية، محمد هنيدي إتحدى الكل وقال: “باظظ خالص.. هنيدي قادم لساحة الراب مع مولتو الباظظ خالص بسرعة امينم وآداء دريك وإبداع كانييه ويست .. ودي البداية”.

من النهاردة مافيش راب .. انا الرابهنيدي جاي يا ساحة .. ودعوا عيشتكوا المرتاحة

Posted by Mohamed Henedy on Thursday, February 18, 2021

مش بس كدا، ده هنيدي باصص لبعيد وناوي يرفع قضية على موسوعة جينيس لو مسحبوش لقب أسرع رابر في التاريخ من ايمنيم وإدوه ليه.

وفي مجموعة من الستوريز على موقع إنستجرام، هنيدي نكش كل من ويجز وشاهين وآسر ياسين، باستطلاعات رآي سأل فيها متابعيه مين عملها أجمد، وطبعًا كما هو متوقع معظم الأصوات راحت للملك الجديد للراب العربي محمد هنيدي.

الإعلان الجديد بيقدم منتج الشركة الجديدة “مولتو ماجنم ميني” اللي هيكون أصغر بس الحشو لسه باظظ خالص. وظهر هنيدي في أول الفيديو بيعلق على قصة الإعلان وقال: “مولتو عملوا ميني ماجنم وطبعاً كلمو هنيدي عشان ميني وكده” وبطريقته المعتادة اللي كلنا بنحبها وكبرنا عليها قال: “لكن أنا أقول باظظ)إيه ياجماعة؟ يا ايديتا؟ باظظ إيه أنا سكت على ميني تقولي قول باظظ باظظ خالص؟!”.

في إنتظار الألبوم يا هنيدي، ومتأكدين من قبل ما نسمعه إنه هيكون أقوى ألبوم مصري في الـ 10 سنين اللي فاتوا دول.

آخر كلمة: متفوتوش قراءة: بعد إعلان مسلسلها الجديد.. 10 مرات أبلة فاهيتا مافشلتش فيهم إنها تضحكنا.

تعليقات
Loading...