متعرفش مواعيد حظر التجوال في رمضان؟متقلقش إحنا جمعنالك كل توقيتات الحظر في المنطقة العربية

0

بما إننا بنستقبل رمضان السنة دي باستعدادات مختلفة كلياً عن أي سنة فاتت، طرق احتفالنا بيه وأنشطتنا هتختلف بشكل كبير عن أي وقت فات. وللأسف دول كتيرة في المنطقة العربية أعلنت استمرار حظر التجوال في رمضان مع بعض التغييرات في المواعيد علشان تناسب مواعيد الشهر الكريم، وده للحد من انتشار فيروس الكورونا اللي اتسبب في تطبيق قيود كتيرة على العالم ككل.

الحكومة المصرية أعلنت النهاردة إن الحظر هيبقى من الساعة 9 بليل لحد الساعة 6 الصبح كل أيام الأسبوع من أول يوم رمضان، وفي تونس الحظر هيبتدي الساعة 8 بليل، والعراق هتطبقه من 7 بليل ل6 الصبح. وبالنسبة للبنان حظر التجوال هيكون من الساعة 8 بليل ل 5 الفجر، وفي الأردن، هيكون مسموح للمواطنين يخرجوا من بيوتهم من الساعة 10 الصبح للساعة 6 بليل.

وفي الخليج العربي، دولة الإمارات العربية المتحدة أعلنت إن حظر التجوال هيكون من 10 بليل ل6 الصبح ، والمملكة العربية السعودية هتسمح للمواطنين بالخروج من 9 الصبح ل5 المغرب. وتوقيت حظر التجوال في الكويت هيكون من 4 مساءً ل8 صباحاً.

دول عربية كتيرة هتبتدي تفتح بالتدريج المولات والمكاتب خلال الشهر الكريم زي مصر مثلاً اللي سمحت بفتح المحلات لحد الساعة 5 مساءً، والإمارات اللي هتفتح المولات لمدة 10 ساعات في اليوم بشرط تطبيق مجموعة من الإجراءات الاحترازية.

آخر كلمة: رمضان كريم، خليكم في البيت في أمان!

تعليقات
Loading...