زيّ ما هي نفسها قالت، سنة 2020 كانت سنة حلوة عليها برغم إنها لناس كتير سنة صعبة، لكن ياسمين صبري حققت نجاحات كتير وحققت أهداف وأحلام ليها في السنة دي على المستوى المهني والشخصي كمان، من مسلسل ببطولة مطلقة في رمضان، لتصدر تويتر، لجواز، فتعالوا نشوف إزاي ياسمين صبري تعتبر هي اللي فازت بـ 2020.
على المستوى المهني، حققت ياسمين صبري شهرة أكبر السنة دي، وقدمت دور البطولة بمسلسل “فرصة تانية” في رمضان بمشاركة أحمد مجدي، واللي حقق نسبة مشاهدات عالية.
وزادت نسبة متابعيها على صفحاتها على السوشيال ميديا، لدرجة إن كل صورة بتنزلها بقى يتعمل عليها ضجة وأوقات كتير كمان بتبقى تريند، وكمان اترشحت ياسمين ضمن قائمة أجمل 100 وجه في العالم للسنة دي للمرة التالتة، بعد سنة 2017 و2018.
وعلى المستوى الشخصي، ياسمين كانت عروسة 2020، واتجوزت من رجل الأعمال المصري أحمد أبو هشيمة، وكان خبر مفرح لمحبيها وجمهورها، والفرح كان عائلي بسبب ظروف الحظر والإجراءات اللي تسبب فيها فيروس كورونا، لكن ده مخلاش ياسمين توقف تحقيق حلمها.
وتصدرت موقع تويتر وبقت الأكتر تداول عليه بعد نشرها لصورة ليها هي وأبو هشيمة في أجازة ليهم على جزيرة خاصة، ومن بعدها أطلق عليها رواد السوشيال ميديا لقب “أسعد واحدة في 2020”.
اقرا أيضًا: 8 فنانات وفنانين عرب في قائمة أجمل 100 وجه في العالم.
ياسمين كمان تصدرت السوشيال ميديا بمواقف تانية منها تصريح غريب ليها في مهرجان الجونة السينمائي، لما قالت فيه رأيها عن السنة وعن فيروس كورونا، وبقت بعده تريند اتعمل عليه ميمز وكوميكس كتير جدًا.
وموقف تاني بان فيه جدعنة ياسمين بعد ما انتشرت صورة لـ “سيدة المطر” زيّ ما لقبوها، وهي كانت ست بسيطة بتبيع مناديل على الرصيف في عز المطر، انتشرت الصورة وشافتها ياسمين فقررت توفر للست كل احتياجاتها هي وأسرتها وتدعمها.