ليه تم اختيار كريم قاسم عضو بلجنة تحكيم مسابقة ديجيتال ستوديو؟

تم اختيار الفنان كريم قاسم من مجلة ديجيتال ستوديو “Digital Studio” العالمية علشان يكون عضو في لجنة تحكيم مسابقة جوائزها بدورتها الـ 17 لسنة 2021، وهيكون معاه في اللجنة من ضمن التحكيم المخرجة السعودية شهد أمين، والمؤسس المشارك والرئيس التنفيذي لشركة Amanda Turnbull Associates أماندا تورنبول، ومحاضرة أفلام في جامعة Middlesex ديما مغلسة، وهيعلنوا عن اللي كسبوا في شهر مارس في دبي.

عن: alghad

كريم قاسم ظهر على غلاف مجلة ديجيتال ستوديو في عدد شهر سبتمبر اللي فات، واتكلم عن تجربته في إنتاجه أول فيلم قصير ليه بعنوان “الحفرة”، واتكلم كمان عن طرق بديلة نقدر ننتج بيها أفلام علشان نشجع الشباب على إنهم يجربوا من غير ما يكونوا محتاجين يبقى معاهم ميزانية ضخمة.

وبداية كريم كانت في 2006 في فيلم أوقات فراغ اللي علق مع الناس كلها ساعتها، وتم اختياره من ديجيتال ستوديو لإنه فنان موهوب جدًا، فهو كان نفسه يكون ممثل من صغره، وهو مش بيمثل بس ولكنه بينتج أفلام كمان، واشتغل على نفسه وعلى موهبته، وشارك في أعمال فنية ناجحة كتير سواء مصرية أو عالمية زيّ مسلسل “نصيبي وقسمتك”، وفيلم “ولاد رزق”، ومسلسل “مملكة إبليس”، وكمان أفلام “The First Line” و”Sawah” اللي بيتعرضوا على منصة Netflix.

وتعتبر مجلة ديجيتال ستوديو مصدر المعلومات لصناعة وإنتاج الأفلام والأعمال التليفزيونية في منطقة الشرق الأوسط وشمال أفريقيا.

آخر كلمة: ماتفوتوش قراءة: بعد عرضه بمهرجان القاهرة، ردود أفعال الجمهور على الفيلم الفلسطيني “غزة مونامور”

تعليقات
Loading...