الشركة القابضة لكهرباء مصر أعلنت عن إطلاق أبلكيشن للخدمات الذكية هيقدم الخدمات الكهربائية اللازمة لأي مواطن بشكل سهل من غير ما يحتاج يروح مقرات العمل للشركة أو التعرض للزحام والطوابير، بخطوات بسيطة من خلال الأبلكيشن، هيقدر يخلص أي خدمة محتاجها من غير مشاوير، والأبلكيشن بيقدم 12 خدمة مختلفة للمواطنين، وهيكون متوفر على جوجل بلاي وآب ستور، أو كمان من خلال الدخول على المنصة الموحدة من وزارة الكهرباء اللي بتقدم الخدمات المختلفة. الأبلكيشن هيوفر الخدمات التالية:
-دفع فواتير استهلاك الكهرباء.
-تقديم طلب فحص العداد.
-تقديم طلب إضافة عداد على حسابه.
-تقديم طلب توصيل التيار الكهربائي للمنشآت الاستثمارية.
-تقديم طلب تركيب عداد كهرباء قانوني لأول مرة.
-تقديم طلب تركيب عداد كودي خدمة العملاء والدعم الفني.
-تقديم خدمة الأعطال والشكاوى.
-تقديم طلب تركيب عداد كهرباء بدل فاقد
-تقديم طلب توصيل التيار الكهربائي للمباني السكنية.
-الحصول على شهادة بيانات تعاقد “مصالحة”
-الحصول على شهادة بيانات استهلاك .
-تسجيل قراءة عداد الكهرباء.
الخدمات دي كلها بيتم تقديمها إلكترونيًا، ضمن خطة الدولة للتحول الرقمي، وللتسهيل على المواطنين وعلى الوزارات وتوفير الجهد والوقت. ومن المفروض إن أبلكيشن وزارة الكهرباء هيساعد في تنظيم القراءات والفواتير بشكل أفضل والحد من المشاكل الناتجة عنها، واللي ذكرها الرئيس السيسي في حديثه أثناء المؤتمر الأخير ومناقشته لمشكلات متعلقة بوزارة الكهرباء.